കോഴിക്കോട് : കക്കോടി ഗ്രാമപഞ്ചായത്തിലെ മോരിക്കരയിൽ ദേശീയ ഗ്രാമീണ തൊഴിലുറപ്പ് പദ്ധതിയുടെ ലേബർ ബഡ്ജറ്റിന്റെ ഭാഗമായി 'നീരുറവ്' നീർത്തട നടത്തം സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് കെ.പി. ഷീബ ഉദ്ഘാടനം ചെയ്തു. നീർത്തട വികസനവും മണ്ണ്, ജല സംരക്ഷണ പ്രവർത്തനങ്ങളിലൂടെ പരിസ്ഥിതി പുനസ്ഥാപനവും നീർച്ചാലുകളുടെയും അവ ഉൾപ്പെടുന്ന നീർത്തടത്തിന്റെയും സമഗ്രവികസനവുമാണ് നീരുറവിലൂടെ ലക്ഷ്യമിടുന്നത്. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ ജുമൈലത്ത് അദ്ധ്യക്ഷത വഹിച്ചു. നീർത്തട കമ്മിറ്റി കൺവീനറും ജനപ്രതിനിധിയുമായ വളപ്പിൽ രാജൻ, ജനപ്രതിനിധികൾ, എം.ജി.എൻ.ആർ.ഇ.ജി.എസ് ഉദ്യോഗസ്ഥർ, ഹരിതകേരളം റിസോഴ്‌സ് പേഴ്‌സൺ, വി.ഇ.ഒമാർ, തൊഴിലുറപ്പ് പ്രവർത്തകർ, കുടുംബശ്രീ പ്രവർത്തകർ തുടങ്ങിയവർ പങ്കെടുത്തു.