തലയോലപ്പറമ്പ് : എസ്.എൻ.ഡി.പി യോഗം1870ാം നമ്പർ പുളിക്കമാലിൽ ശാഖയിലെ വനിതാസംഘത്തിന്റെ നേതൃത്വത്തിൽ ഗുരുദേവ ക്ഷേത്രത്തിന്റെ സമീപം ആരംഭിച്ച ഗുരുദേവ തയ്യൽ തൊഴിൽ പരിശീലന കേന്ദ്രം യൂണിയൻ സെക്രട്ടറി എസ്.ഡി.സുരേഷ് ബാബു ഉദ്ഘാടനം ചെയ്തു.

വനിതാ സംഘം യൂണിയൻ സെക്രട്ടറി ധന്യാ പുരുഷോത്തമൻ അദ്ധ്യക്ഷത വഹിച്ചു. ശാഖാ പ്രസിഡന്റ് വി.ടി.സുരേന്ദ്രൻ വാക്കേപാറയിൽ മുഖ്യ പ്രസംഗം നടത്തി. വനിതാസംഘം പ്രസിഡന്റ്‌ ലാലി രാമകൃഷ്ണൻ സ്വാഗതം പറഞ്ഞു.ശാഖ സെക്രട്ടറി എം.എസ്.മണി വൈസ് പ്രസിഡന്റ് എം.എ.മണി,യൂണിയൻ കമ്മറ്റി അംഗം ശശി, ഷേർലി രാജു, വനിതാ സംഘം സെക്രട്ടറി ഇന്ദിരാ പ്രകാശ് എന്നിവർ പ്രസംഗിച്ചു.ഷിജി പഠനക്ലാസ്സിന് നേതൃത്വം നൽകി.