തൃക്കൊടിത്താനം : യുവാക്കളെ ആക്രമിച്ച കേസിൽ ഒളിവിൽ കഴിഞ്ഞിരുന്ന പായിപ്പാട് നാലുകോടി പുതുക്കുളം ബിൽസൺ (22), വേഷ്ണാൽ പണിക്കൻപറമ്പിൽ പ്രവീൺ (23) എന്നിവരെ തൃക്കൊടിത്താനം പൊലീസ് അറസ്റ്റ് ചെയ്തു. സുഹൃത്തുക്കളുമായി ചേർന്ന് ആരമലക്കുന്ന് ഭാഗത്ത് നിൽക്കുകയായിരുന്ന യുവാക്കൾക്ക് നേരെ കുരുമുളക് സ്പ്രേ പ്രയോഗിച്ചതിന് ശേഷം കമ്പിവടി കൊണ്ട് ആക്രമിക്കുകയായിരുന്നു. ജില്ലാ പൊലീസ് മേധാവി കെ. കാർത്തിക്കിന്റെ നേതൃത്വത്തിലുള്ള അന്വേഷണസംഘം പ്രവീണിനെ ചങ്ങനാശ്ശേരിയിൽ നിന്നും ബിൽസണെ ബംഗളൂരുവിൽ നിന്നുമാണ് പിടികൂടിയത്. കേസിലെ മറ്റു മൂന്ന് പ്രതികളെ നേരത്തെ പിടികൂടിയിരുന്നു. എസ്.എച്ച്.ഒ അജീബ് ഇ, എ.എസ്.ഐ സാൻജോ, സി.പി.ഒമാരായ ക്രിസ്റ്റഫർ, സന്തോഷ്, ശെൽവരാജ്, അനീഷ് എന്നിവരും അന്വേഷണ സംഘത്തിൽ ഉണ്ടായിരുന്നു.