വാഴൂർ. പക്ഷികളെ ആവാസ വ്യവസ്ഥയിൽ നടന്നുനിരീക്ഷിക്കാൻ കോട്ടയം നേച്ചർ സൊസൈറ്റി വിദ്യാർത്ഥികൾക്കായി സംഘടിപ്പിക്കുന്ന പരിശീലന പരിപാടിക്ക് തുടക്കമായി. വാഴൂർ ഹയർസെക്കൻഡറി സ്‌കൂളിലെ 28 കുട്ടികൾ പങ്കെടുത്തു. പക്ഷി നിരീക്ഷകൻ പ്രദീപ് അയ്മനം 16 ഇനത്തിൽ പെട്ട പക്ഷികളുടെ സഞ്ചാര രീതി, ശബ്ദം, ഭക്ഷണ രീതി, ആവാസ ഇടങ്ങൾ ഇവ കുട്ടികൾക്ക് പരിചയപ്പെടുത്തി. പഞ്ചായത്ത് പ്രസിഡന്റ് വി.പി റെജി, പി.ടി.എ പ്രസിഡന്റ്‌ കെ.എസ്.ബിനു, പ്രഥമ അദ്ധ്യാപിക ഇന്ദുലേഖ എം, സി. ആർ.പ്രദീപ്കുമാർ, ബിന്ദു ജി.നായർ, മിനി ജി.നായർ, പി.പി.സുരേഷ്, കെ.ബിനു, ഗോപകുമാർ കങ്ങഴ എന്നിവർ നേതൃത്വം നൽകി.