കോട്ടയം . കുട്ടികളുടെ ലൈബ്രറിയുടെയും ജവഹർ ബാലഭവന്റെയും സംയുക്താഭിമുഖ്യത്തിൽ അഞ്ചു ദിവസം നീളുന്ന ശിശുദിനാഘോഷ കലാപരിപാടികൾ ആരംഭിച്ചു. കുട്ടികളുടെ ലൈബ്രറി രാഗം ഹാളിൽ ലളിതകലാ അക്കാഡമി മുൻ ചെയർമാൻ കെ എ ഫ്രാൻസിസ് ഉദ്ഘാടനം ചെയ്തു. കുട്ടികളുടെ ലൈബ്രറി ആൻഡ് ജവഹർബാലഭവൻ ചെയർമാൻ എബ്രഹാം ഇട്ടിച്ചെറിയ, എക്സിക്യുട്ടീവ് ഡയറക്ടർ വി ജയകുമാർ, പബ്ലിക് ലൈബ്രറി എക്സിക്യുട്ടീവ് സെക്രട്ടറി വിജയകുമാർ , ജോയിന്റെ സെക്രട്ടറി ഷാജി വേങ്കടത്ത്, മാനേജിംഗ് കമ്മിറ്റിയംഗങ്ങളായ നന്ത്യാട് ബഷീർ, ബിനോയ് വേളൂർ, എന്നിവർ പ്രസംഗിച്ചു. വിവിധ കലാമത്സരങ്ങളിൽ 2500 കുട്ടികൾ പങ്കെടുക്കുന്നുണ്ട്.