വൈക്കം : കേരള കയർ തൊഴിലാളി ക്ഷേമനിധി ബോർഡിൽ നിന്ന് പെൻഷൻ കൈപ്പ​റ്റിവരുന്ന തൊഴിലാളികൾ വരുമാന സർട്ടിഫിക്ക​റ്റ് ഹാജരാക്കേണ്ടതില്ലെന്ന് കയർ തൊഴിലാളി ക്ഷേമനിധി ബോർഡ് ഓഫീസ് അറിയിച്ചു. നിലവിൽ പെൻഷൻ കൈപ്പ​റ്റുന്ന എല്ലാ പെൻഷൻകാരും ആധാർ അനുബന്ധ രേഖകൾ സമർപ്പിക്കണം. ഇതുവരെ ഹാജരാക്കാത്തവർ 15ന് മുൻപായി ആധാർ കാർഡ്, ബാങ്ക് പാസ്ബുക്ക് , ക്ഷേമനിധി പാസ്സ് ബുക്ക് / പെൻഷൻ കാർഡ് എന്നിവയുടെ പകർപ്പുകൾ ഫോൺ നമ്പർ സഹിതം
നേരിട്ടോ തപാൽ വഴിയോ കയർ തൊഴിലാളി ക്ഷേമനിധി ബോർഡിന്റെ വൈക്കം സബ് ഓഫീസിൽ എത്തിക്കണം. രേഖകൾ ഹാജരാക്കാതിരുന്നാൽ തുടർന്ന് മസ്​റ്ററിംഗിന് സാങ്കേതിക തടസം നേരിടാനും അതുവഴി പെൻഷൻ തടസപ്പെടാനും സാധ്യതയുണ്ട്. ഇക്കാര്യത്തിൽ സമയക്രമം പാലിക്കണം. പെൻഷൻ വാങ്ങുന്നവർ നേരിട്ട് ഹാജരാകേണ്ടതില്ല.