വൈക്കം: ജീവനക്കാരൻ വിരമിച്ചതിനെ തുടർന്ന് നിലച്ച വലിയാനപ്പുഴയ്ക്ക് കുറുകെയുള്ള തോട്ടകം ചെട്ടിമംഗലം കടത്ത് പുനരാരംഭിക്കാത്തത് പ്രദേശവാസികളെ ദുരിതത്തിലാക്കുന്നു. പതി​റ്റാണ്ടുകളായി നിലനിന്നിരുന്ന കടത്ത് പൊതുമരാമത്ത് വകുപ്പിന് കീഴിലായിരുന്നു. കഴിഞ്ഞ ആഗസ്റ്റ് 31ന് ജീവനക്കാരൻ വിരമിച്ചതോടെ കടത്ത് നിലയ്ക്കുകയായിരുന്നു. ചെട്ടിമംഗലത്ത് നിന്നും എളുപ്പത്തിൽ തോട്ടകത്തേക്ക് പോകാനുള്ള മാർഗം കൂടിയായിരുന്നു ഈ കടത്ത്. കടത്ത് നിർത്തിയതോടെ കിലോമീ​റ്റർ ചു​റ്റിവളഞ്ഞുവേണം നാട്ടുകാർക്ക് പുറംലോകത്തേക്ക് എത്താൻ. വെള്ളത്താൽ ചു​റ്റപ്പെട്ട ചെട്ടിമംഗലം പ്രദേശത്തേക്ക് ബസ് സർവീസോ മ​റ്റു യാത്രാ സൗകര്യങ്ങളോ ഇല്ലാത്തത് ജനങ്ങളെ വലയ്ക്കുകയാണ്. ഈ സാഹചര്യത്തിൽ കടത്ത് പൊതുമരാമത്ത് വകുപ്പ് ഏ​റ്റെടുത്ത് നടത്താനുള്ള നടപടി സ്വീകരിക്കണമെന്ന് സി.പി.ഐ ചെട്ടിമംഗലം ബ്രാഞ്ച് ജനറൽബോഡി യോഗം ആവശ്യപ്പെട്ടു. എം.സുനിൽ അദ്ധ്യക്ഷത വഹിച്ചു. ഉദയനാപുരം ഈസ്​റ്റ് ലോക്കൽ കമ്മി​റ്റി സെക്രട്ടറി അഡ്വ. എം.ജി രഞ്ജിത്ത്, കെ.കെ.സാബു, പി.ബാബു, സി.ജി.സന്ദീപ്, ടി.എ.ജോസഫ് എന്നിവർ പ്രസംഗിച്ചു.