ചങ്ങനാശേരി: ലഹരി വിരുദ്ധ ക്യാമ്പയിന്റെ ഭാഗമായി തെങ്ങണ നെസ്റ്റ് ഹോസ്റ്റൽ ഓഡിറ്റോറിയത്തിൽ ലഹരിവിരുദ്ധ ബോധവത്ക്കരണ ക്ലാസും പ്രതിജ്ഞാചടങ്ങും നടന്നു. ട്രിവാൻഡ്രം സ്പിന്നിംഗ് മിൽസ് ചെയർമാൻ സണ്ണി തോമസ് അദ്ധ്യക്ഷത വഹിച്ചു. തൃക്കൊടിത്താനം പൊലീസ് സബ് ഇൻസ്പക്ടർ ബോബി വർഗീസ് പ്രതിജ്ഞ ചൊല്ലിക്കൊടുത്തു. കോട്ടയം വിമുക്തി മിഷൻ എക്‌സൈസ് ഓഫീസർ ബെന്നി സെബാസ്റ്റ്യൻ ലഹരി വിരുദ്ധ ബോധവത്ക്കരണ ക്ലാസ് നയിച്ചു. കെ.ആർ ശ്യാംകുമാർ, ഷിനു എബ്രഹാം, സീനാ ശ്യാം എന്നിവർ പങ്കെടുത്തു.