പാലാ: എസ്.എൻ.ഡി.പി യോഗം മീനച്ചിൽ യൂണിയനിൽ വിവാഹപൂർവ കൗൺസിലിംഗ് കോഴ്‌സിന്റെ 67ാമത് ബാച്ച് 26നും 27നും യൂണിയൻ പ്രാർത്ഥനാഹാളിൽ നടത്തും. 26ന് രാവിലെ 9ന് യൂണിയൻ കൺവീനർ എം.പി സെന്നിന്റെ അദ്ധ്യക്ഷതയിൽ ചേരുന്ന സമ്മേളനം യൂണിയൻ ചെയർമാൻ എം.ബി ശ്രീകുമാർ ഉദ്ഘാടനം ചെയ്യും. അരുൺ കുളമ്പള്ളിൽ, വി.കെ ഗിരീഷ് കുമാർ, മിനർവ മോഹൻ, അനീഷ് ഇരട്ടയാനി, സോളി ഷാജി, ആത്മജൻ.കെ എന്നിവർ ആശംസകൾ നേരും. രാമപുരം സി.റ്റി. രാജൻ സ്വാഗതവും എം.ആർ ഉല്ലാസ് നന്ദിയും പറയും. ബിജു പുളിക്കലേടം, ഡോ. ശരത് ചന്ദ്രൻ, രാജേഷ് പൊൻമല, സുരേഷ് പരമേശ്വരൻ, ഗ്രേസ്‌ലാൽ തുടങ്ങിയവർ ക്ലാസുകൾ നയിക്കും. സമാപന സമ്മേളനത്തിൽ യൂണിയൻ വൈസ് ചെയർമാൻ ലാലിറ്റ് എസ്. തകടിയേൽ സർട്ടിഫിക്കറ്റുകൾ വിതരണം ചെയ്യും. കോഴ്‌സിൽ പങ്കെടുക്കാൻ ആഗ്രഹിക്കുന്നവർ യൂണിയനിൽ പേര് രജിസ്റ്റർ ചെയ്യണമെന്ന് കൺവീനർ എം.പി. സെൻ അറിയിച്ചു. ഫോൺ: 04822212625.