വൈക്കം: കയർ സഹകരണസംഘങ്ങളെ തകർച്ചയിലേക്ക് തള്ളിവിടുന്ന നയത്തിൽ നിന്നും സംസ്ഥാന സർക്കാർ പിന്തിരിയണമെന്ന് കേരള കോ ഓപ്പറേ​റ്റീവ് എംപ്ലോയീസ് കൗൺസിൽ സംസ്ഥാന വൈസ് പ്രസിഡന്റ് ആർ.പ്രദീപ് ആവശ്യപ്പെട്ടു. കെ.സി.ഇ.സി നേതൃത്വത്തിൽ കയർസംഘം ജീവനക്കാർ വൈക്കം കയർ പ്രൊജക്ട് ഓഫീസിലേക്ക് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. യൂണിയൻ പ്രസിഡന്റ് വാസന പ്രസന്നൻ അദ്ധ്യക്ഷത വഹിച്ചു. കെ സി ഇ സി നേതാക്കളായ എം.ജി ജയൻ, ആർ.ബിജു, മനു സിദ്ധാർദ്ധൻ, എ.ഐ.ടി.യു.സി നേതാക്കളായ പി.എസ്.പുഷ്‌ക്കരൻ, ഡി.ബാബു, സി.കെ.പ്രശോഭനൻ എന്നിവർ പ്രസംഗിച്ചു. മാർച്ചിനും ധർണ്ണയ്ക്കും യൂണിയൻ നേതാക്കളായ കെ.പ്രിയമ്മ, സ്മിത സജി, സൗമ്യ, രഞ്ജിത്ത്, സോണിയ എന്നിവർ നേതൃത്വം നൽകി.