കോട്ടയം: കുമാരനല്ലൂർ ശ്രീനാഗരാജ ക്ഷേത്രത്തിൽ ആയില്യം മഹോത്സവം 14 മുതൽ 16 വരെ തന്ത്രി കടിയക്കോൽ ഇല്ലത്ത് ശ്രീകൃഷ്ണൻ നമ്പൂതിരിയുടെ കാർമ്മികത്വത്തിൽ നടക്കും. രാവിലെ 5ന് കാവുണർത്തൽ, തുടർന്ന് അഭിഷേകം, അർച്ചന, നിവേദ്യം, പുരാണപാരായണം, വൈകിട്ട് 5 മുതൽ നാമസങ്കീർത്തനം ഭജന,ദീപക്കാഴ്ച ഭക്തിഗാനമേള മറ്റു കലാപരിപാടികൾ എന്നിവയാണ് ചടങ്ങ്. 15ന് ഉച്ചയ്ക്ക് 12ന് മഹാപ്രസാദമൂട്ടിനുള്ള കറിക്കരിയലിന്റെ ഉദ്ഘാടനം നഗരസഭാ ചെയർപേഴ്സൺ ബിൻസി സെബാസ്റ്റ്യൻ നിർവഹിക്കും. 16ന് 9 മുതൽ പാലഭിഷേകം, കലശാഭിഷേകം, മഹാനിവേദ്യം,​ നൂറുംപാലും തർപ്പണം എന്നിവ നടക്കും. 1ന് മഹാപ്രസാദമൂട്ട് അശ്വതി തിരുനാൾ ഗൗരി ലക്ഷ്മിഭായി ദീപം തെളിക്കും. പ്രസാദ വിതരണോദ്ഘാടനം തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ.അനന്ത ഗോപൻ നിർവഹിക്കും. തിരുവഞ്ചൂർ രാധാകൃഷ്ണൻ എം.എൽ.എ,​ ദേവസ്വം മാനേജർ ശങ്കരൻ നമ്പൂതിരി എന്നിവർ സംസാരിക്കും. മുനിസിപ്പൽ കൗൺസിലർമാരായ ടി.ആർ അനിൽകുമാർ, എം.ടി. മോഹനൻ,​ ഷൈനി തോമസ്,​ സി.ഡി.എസ് ചെയർപേഴ്സൺ അജിതാ ഗോപൻ എന്നിവർ പങ്കെടുക്കും. സെക്രട്ടറി എ .ആർ.ഗോപാലകൃഷ്ണൻ,​ പ്രസിഡന്റ് എ.എ. രാജൻ,​ ട്രഷറർ പി.ജി. ജയൻ,​ പി.കെ. മോഹനൻ,​ പി.എൽ. ലതീഷ്,​ എൻ.ബി.രാജൻ,​ എ.എ.നടരാജൻ എന്നിവർ പത്രസമ്മേളനത്തിൽ പങ്കെടുത്തു.