കോട്ടയം: ജില്ലയിൽ പുതിയതായി പണികഴിപ്പിക്കുന്ന ചങ്ങനാശേരി ഡിവൈ.എസ്.പി ഓഫീസിന്റെ ശിലാസ്ഥാപനവും ഇലവീഴാപ്പൂഞ്ചിറയിലെ പൊലീസ് വയർലെസ് കമ്മ്യൂണിക്കേഷൻ റിപ്പീറ്റർ സ്റ്റേഷന്റെയും, വെർട്ടിക്കൽ എക്സ്റ്റൻഷൻ നടത്തിയ പള്ളിക്കത്തോട് പൊലീസ് സ്റ്റേഷന്റെ ഉദ്ഘാടനവും മുഖ്യമന്ത്രി പിണറായി വിജയൻ ഓൺലൈനിലൂടെ നിർവഹിച്ചു. മന്ത്രി വി.എൻ വാസവൻ, എം.പി മാരായ തോമസ് ചാഴിക്കാടൻ, ആന്റോ ആന്റണി , ചീഫ് വിപ്പ് ഡോ.എൻ ജയരാജ്, ജില്ലാ പൊലീസ് മേധാവി കെ.കാർത്തിക് തുടങ്ങിയവർ പങ്കെടുത്തു.