വൈക്കം. കുറുപ്പന്തറ സെന്റ് സേവ്യേഴ്‌സ് വൊക്കേഷണൽ ഹയർ സെക്കൻഡറി സ്‌കൂളിലെ കുട്ടികളുമായി വിനോദ യാത്രയ്ക്കു പോയ ഡാഡീസ് ഹോളിഡേയ്‌സിന്റെ കോൺട്രാക്ട് കാര്യേജിന്റെ ഫിറ്റ്‌നസ് മോട്ടോർ വാഹന ഗതാഗത വകുപ്പ് റദ്ദാക്കി. പോകുന്നതിനു മുമ്പ് വൈക്കം സബ് ആർ.ടി.ഒ ഓഫീസിൽ ഹാജരാക്കി സർട്ടിഫിക്കറ്റ് വാങ്ങിയിരുന്നു. ഇതിനുശേഷം ലേസർ ലൈറ്റുകളും കളർ ലൈറ്റുകളും ശബ്ദസംവിധാനങ്ങളും ഘടിപ്പിച്ച് യാത്ര ചെയ്യുകയായിരുന്നു. കേരള അതിർത്തി കടന്നതിനു ശേഷം ഇവ പ്രവർത്തിപ്പിക്കുകയും സോഷ്യൽ മീഡിയയിൽ പ്രചരിപ്പിക്കുകയും ചെയ്തത് ശ്രദ്ധയിൽ പെട്ടതിനെ തുടർന്നാണ് നിയമ നടപ‌ടിയെടുത്തത്. ഡ്രൈവറുടെ ലൈസൻസ് റദ്ദാക്കാനും ശുപാർശ ചെയ്തിട്ടുണ്ട്.