കോട്ടയം : കുട്ടികളുടെ ലൈബ്രറിയും ജവഹർ ബാലഭവനും സംയുക്തമായി നടത്തിയ ശിശുദിനാഘോഷ കലാമത്സരങ്ങളുടെ സമാപന സമ്മേളനവും സമ്മാനദാനവും നടന്നു. സമാപന സമ്മേളനം തിരുവഞ്ചൂർ രാധാകൃഷ്ണൻ എം.എൽ.എ ഉദ്ഘാടനം ചെയ്തു. തോമസ് ചാഴികാടൻ എം.പി, സംവിധായകൻ ജോഷി മാത്യു എന്നിവർ സമ്മാനദാനം നടത്തി. കുട്ടികളുടെ ലൈബ്രറി ചെയർമാൻ എബ്രഹാം ഇട്ടിച്ചെറിയ മുഖ്യപ്രഭാഷണം നടത്തി. എക്‌സിക്യുട്ടീവ് ഡയറക്ടർ വി.ജയകുമാർ, നന്തിയോട് ബഷീർ, ഷാജി വേങ്കടത്ത്, അബ്ദുൾ ലത്തീഫ് എന്നിവർ പങ്കെടുത്തു. മലയാളം പ്രസംഗ മത്സരം (എൽ.പി) ഒന്നാം സ്ഥാനം നേടിയ ജൂഡ് എഞ്ചൽ അജയ് (സെന്റ് മേരീസ് എൽ.പി.എസ് പാല) അദ്ധ്യക്ഷത വഹിച്ചു. യു.പി വിഭാഗം മലയാളം പ്രസംഗ മത്സരം ഒന്നാം സ്ഥാനം നേടിയ അമീന എസ്.ഹമീദ് (മരിയൻ സീനിയർ സെക്കൻഡറി സ്‌കൂൾ കളത്തിപ്പടി) ശിശുദിന സന്ദേശം നൽകി.