കോട്ടയം: യു.ഡി.എഫ് സർക്കാർ വിഭാവന ചെയ്ത് നിർമ്മാണം ആരംഭിച്ച ചിങ്ങവനം ഇലക്ട്രോ കെമിക്കൽസ് സ്‌പോർട്‌സ് കോളേജ് ഇടത് സർക്കാർ അട്ടിമറിച്ചിരിക്കുകയാണെന്ന് കേരളാ കോൺഗ്രസ് ജില്ലാ പ്രസിഡന്റ് സജി മഞ്ഞക്കടമ്പിൽ പറഞ്ഞു. കേരള കോൺഗ്രസ് നാട്ടകം മണ്ഡലം നേതൃയോഗം ഉദ്ഘാടനം ചെയ്യുകയായിരുന്നു അദ്ദേഹം. ആകാശപാതയും ചിങ്ങവനം ഇലക്ട്രോ കെമിക്കൽസ് ഉൾപ്പെടെയുള്ള കോട്ടയത്തെ വികസന പദ്ധതികൾ പുനരാരംഭിക്കണമെന്നും ആവശ്യപ്പെട്ടു. കോട്ടയം നിയോജകമണ്ഡലം പ്രസിഡന്റ് കുര്യൻ പി. കുര്യൻ അദ്ധ്യക്ഷത വഹിച്ചു. ഡോ.ഗ്രേസമ്മ മാത്യു, വി.ജെ ലാലി, അഡ്വ.പ്രിൻസ് ലൂക്കോസ്, ജോയി ചെട്ടിശ്ശേരി, ജേക്കബ് കുര്യാക്കോസ്, പി.സി ചാണ്ടി, ജോസഫ്, കുഞ്ഞുമോൻ, സാബു പി.ജേക്കബ്, ഡിജു സെബാസ്റ്റ്യൻ, പി.പി മോഹനൻ, അഭിഷേക് ബിജു എന്നിവർ പങ്കെടുത്തു.