കോട്ടയം: ബൈക്കും കാറും കൂട്ടിയിടിച്ച് യുവാവ് മരിച്ചു. മേലുകാവ് കുളത്തികണ്ടം വയമ്പൂർ ജോർജിന്റെ മകൻ ടോണി ജോർജ് (22) ആണ് മരിച്ചത്. ഇന്നലെ രാവിലെ ഈരാറ്റുപേട്ട തൊടുപുഴ റോഡിൽ മേലുകാവ് ഇടമറുക് കൈലാസത്തിലാണ് അപകടം. ഈരാറ്റുപേട്ടയിൽ നിന്ന് തൊടുപുഴയ്ക്ക് പോകുകയായിരുന്ന കാർ നിർത്തിയിട്ടിരുന്ന പിക്കപ്പിനെ മറികടക്കുന്നതിനിടയിലാണ് ബൈക്കിലിടിച്ചത്. ഗുരുതരമായി പരിക്കേറ്റ ടോണിയെ ഭരണങ്ങാനം സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മാതാവ്: സിനി. സഹോദരി: ഗ്ലോറി.