വൈക്കം :വൈക്കം അർബൻ വെൽഫെയർ കോ ഓപ്പറേ​റ്റീവ് സൊസൈ​റ്റിയുടെ 20ാം വാർഷികാഘോഷത്തിന്റെ ഭാഗമായി കിടപ്പ് രോഗികൾക്ക് അവരുടെ ഭവനങ്ങൾ സന്ദർശിച്ച് പരിചരണവും ചികിത്സയും മരുന്നുകളും സൗജന്യമായി നൽകുന്ന പദ്ധതി ആവിഷ്കരിച്ചതായി പ്രസിഡന്റ് ആർ.ചന്ദ്രശേഖരൻ പറഞ്ഞു. സൊസൈ​റ്റിയുടെ 20ാം വാർഷികാഘോഷ സമ്മേളനത്തിൽ അദ്ദ്യക്ഷ പ്രസംഗം നടത്തുകയായിരുന്നു അദ്ദേഹം. സി.കെ ആശ എം.എൽ.എ വാർഷിക യോഗം ഉദ്ഘാടനം ചെയ്തു. നഗരസഭ മുൻ ചെയർമാൻമാരായ പി.കെ ഹരികുമാർ, എൻ.അനിൽ ബിശ്വാസ്, നഗരസഭ വൈസ് ചെയർമാൻ പി.ടി സുഭാഷ് , മുൻ ചെയർപേഴ്‌സൺ രേണുക രതീഷ്, ആരോഗ്യ സ്റ്റാൻഡിംഗ് കമ്മി​റ്റി ചെയർപേഴ്‌സൺ പ്രീതാ രാജേഷ് , ബാങ്ക് ഭരണസമിതിയംഗങ്ങളായ എം.അനിൽ കുമാർ, എം.വി മനോജ്, ഇ.എം നാസർ, കുഞ്ഞമോൾ ബാബു, സവിത സലി, പി.എസ് ബാബു, സുബ്ബൈർ പുൽരുത്തി, എ.കെ ഗോപാലൻ, എം.എൻ ദിവാകരൻ നായർ, ടി.ടി രാജു, ടി.പി.ഏബ്രഹാം, രീദേവി അനിരുദ്ധൻ എന്നിവർ പങ്കെടുത്തു.