കോട്ടയം: കോക്ലിയർ ഇംപ്ലാന്റീസ് അസോസിയേഷൻ ആന്റ് ചാരിറ്റബിൾ സൊസൈറ്റി (സിയാക്സ്)​ കോട്ടയം ജില്ലാ സമ്മേളനവും കുടുംബസംഗമവും നടത്തി. ജില്ലാ പ്രസിഡന്റ് ജോബി കല്ലുമടയുടെ അദ്ധ്യക്ഷതയിൽ ചേർന്ന സമ്മേളനം തിരുവഞ്ചൂർ രാധാകൃഷ്ണൻ എം.എൽ.എ ഉദ്ഘാടനം ചെയ്തു. മുനിസിപ്പൽ ചെയർപേഴ്സൺ ബിൻസി സെബാസ്റ്റ്യൻ മുഖ്യപ്രഭാഷണം നടത്തി.

സിയാക്സ് സംസ്ഥാന സെക്രട്ടറി സിമി ജെറി,​ വൈസ് പ്രസിഡന്റ് വിജേഷ് കണ്ണൂർ,​ ജില്ലാ ഭാരവാഹികളായ വർഗീസ് തകടിയിൽ,​ ജയൻ ജെ. നായർ,​ ജയ്സൺ അഗസ്റ്റിൻ,​ ജോമോൻ ജോസഫ് എന്നിവർ പ്രസംഗിച്ചു. ജില്ലാ സെക്രട്ടറി വിന്യ മനോഷ് സ്വാഗതവും ട്രഷറർ അജിമോൻ നന്ദിയും പറഞ്ഞു.