കോട്ടയം . റബർ വിലയിടിവിനെതിരെ ജനപക്ഷം പാർട്ടി ചെയർമാൻ പി സി ജോർജ് കളക്ടറേറ്റിന് മുൻപിൽ ഉപവാസസമരം നടത്തി. തിരഞ്ഞെടുപ്പ് വാ​ഗ്ദാനമായ 250 രൂപ തറവില സർക്കാർ നടപ്പിലാക്കണം എന്നാവശ്യപ്പെട്ടായിരുന്നു സമരം. അടിയന്തര ഇടപെടലുണ്ടായില്ലെങ്കിൽ കർഷകരെ സംഘടിപ്പിച്ച് ശക്തമായ സമരപരിപാടികൾ നടത്തുമെന്ന് ജോർജ് പറഞ്ഞു. റബർ ഉത്പാദക സംഘങ്ങളുടെ അഖിലേന്ത്യ പ്രസിഡ​ന്റ് സുരേഷ് കോശി മുഖ്യപ്രഭാഷണം നടത്തി. സംസ്ഥാന വൈസ് പ്രസിഡ​ന്റ് സെബാ​സ്റ്റ്യൻ ജോസഫ്, ജനറൽ സെക്രട്ടറി സെബി, ട്രഷറാർ ജോസഫ് റ്റി ജോസ്, ഷൈജോ ഹസ്സൻ, ഷോൺ ജോർജ്, സജി എസ് തെക്കേൽ, ബെൻസി വർഗീസ് തുടങ്ങിയവർ പങ്കെടുത്തു.