പൊൻകുന്നം: കാഞ്ഞിരപ്പള്ളി ജനറൽ ആശുപത്രി വികസനസമിതിയുടെയും വാഴൂർ ബ്ലോക്ക് പഞ്ചായത്തിന്റെയും സംയുക്താഭിമുഖ്യത്തിൽ കാത്ത് ലാബിലെയും ഓർത്തോപീഡിക് വിഭാഗത്തിലെയും ഡോക്ടർമാരെയും ജീവനക്കാരെയും ആദരിച്ചു.

11 മാസത്തിനുള്ളിൽ 511 ഹൃദയശസ്ത്രക്രിയകളാണ് ജനറൽ ആശുപത്രിയിലെ കാത്ത് ലാബിൽ നടത്തിയത്. ഒരു വർഷം കൊണ്ട് 50 സന്ധി മാറ്റിവയ്ക്കൽ (മുട്ട്, ഇടുപ്പ്) ശസ്ത്രക്രിയകൾ ചെയ്യാൻ ഓർത്തോ വിഭാഗത്തിനും കഴിഞ്ഞു.
ഗവ.ചീഫ് വിപ്പ് ഡോ.എൻ. ജയരാജ് യോഗം ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് മുകേഷ്. എം.മണി അദ്ധ്യക്ഷനായിരുന്നു. ചിറക്കടവ് ഗ്രാമപഞ്ചായത്ത് വിദ്യാഭ്യാസ സ്ഥിരംസമിതി അദ്ധ്യക്ഷൻ ആന്റണി മാർട്ടിൻ, ബ്ലോക്ക് വൈസ് പ്രസിഡന്റ് രഞ്ജിനി ബേബി, ബ്ലോക്ക് പഞ്ചായത്ത് ക്ഷേമകാര്യ സ്ഥിരംസമിതി അദ്ധ്യക്ഷൻ ഷാജി പാമ്പൂരി, ബ്ലോക്ക് പഞ്ചായത്തംഗം ബി.രവിന്ദ്രൻ നായർ, ടി.ജെ ജോൺ, ലതാ ഷാജി, വി.എം ജോൺ, മിനി സേതുനാഥ്, ഗീതാ എസ്.പിള്ള, ലതാ ഉണ്ണികൃഷ്ണൻ, എം.എ ഷാജി, അഭിലാഷ് ചന്ദ്രൻ, ഷാജി നല്ലേപറമ്പിൽ, ആർ.എം.ഒ ഡോ. രേഖാ ശാലിനി, ഡോ. ബാബു സെബാസ്റ്റ്യൻ, ഡോ. ബിജുമോൻ, ഡോ. പ്രസാദ് പി. മാണി, ഡോ. അനു ജോർജ്, ഡോ. അനീഷ് വർക്കി എന്നിവർ സംസാരിച്ചു.