തിരുവനന്തപുരം: കുവൈത്ത് തിരുവനന്തപുരം ആദ്യ സർവീസ് നടത്തിയ ജസീറാ എയർവെയ്സ് വിമാനത്തിന് തിരുവനന്തപുരം വിമാനത്താവളത്തിൽ വാട്ടർ സല്യൂട്ട് നൽകി വരവേറ്റു. ഇന്നലെ പുലർച്ചെ രണ്ടിനെത്തിയ വിമാനത്തിൽ 124 യാത്രക്കാരുണ്ടായിരുന്നു. കുവൈത്തിക്കുള്ള സർവീസിൽ 151 യാത്രക്കാരുണ്ടായിരുന്നു. ഇവർക്ക് വിമാനത്താവള അധികൃതർ സമ്മാനം നൽകി. തിരുവനന്തപുരത്തു നിന്ന് തിങ്കൾ, ബുധൻ ദിവസങ്ങളിൽ രാവിലെ 2.50ന് പുറപ്പെട്ട് 5.55ന് കുവൈത്തിലെത്തും. കുവൈത്തിൽ നിന്ന് വൈകിട്ട് 6.25ന് പുറപ്പെടുന്ന വിമാനം പുലർച്ചെ 2.05ന് തിരുവനന്തപുരത്തെത്തും. 160 പേർക്ക് യാത്ര ചെയ്യാവുന്ന എ 20 വിമാനമാണ് സർവീസിന് ഉപയോഗിക്കുക.