നമ്മുടെ വസ്തുക്കൾ മറ്റൊരാൾക്ക് നൽകുന്നത് നല്ല ശീലമാണ് എന്ന് കുട്ടിക്കാലം മുതലേ പഠിച്ചിട്ടുള്ളതാണ്. ഇതിലൂടെ പരസ്പര സ്നേഹവും വാത്സല്യവും വർദ്ധിക്കുമെന്നാണ് പറയപ്പെടുന്നത്. എന്നാൽ വാസ്തുശാസ്ത്ര പ്രകാരം ഇത് അത്ര നല്ല ശീലമല്ല. ഇങ്ങനെ നമ്മുടെ സാധനങ്ങൾ പങ്കുവയ്ക്കുകയാണെങ്കിൽ സാമ്പത്തിക പ്രശ്നങ്ങളോ കുടുംബ കലഹമോ രോഗങ്ങളോ മറ്റ് ബുദ്ധിമുട്ടുകളോ വന്നേക്കാമെന്നാണ് വാസ്തുശാസ്ത്രത്തിൽ പറയുന്നത്. ഒരിക്കലും ആരുമായും പങ്കിടാൻ പാടില്ലാത്ത വസ്തുക്കൾ എന്തൊക്കെയെന്ന് നോക്കാം.

പേന

ഒരു വ്യക്തിയുടെ ഭാഗ്യം പേനയുമായി ബന്ധപ്പെട്ടിരിക്കുന്നു എന്നാണ് വാസ്തുശാസ്ത്രത്തിൽ പറയുന്നത്. അതിനാൽ മറ്റുള്ളവരുടെ പേന നിങ്ങൾ കൈവശം വയ്ക്കാനോ നിങ്ങളുടെ പേന മറ്റാർക്കെങ്കിലും കൊടുത്തശേഷം വാങ്ങാതിരിക്കുകയോ ചെയ്യാൻ പാടില്ല. ഇത് നിങ്ങൾക്ക് ദോഷം ഉണ്ടാകുന്നതിന് കാരണമാകും.

വാച്ച്

സമയവുമായി നേരിട്ട് ബന്ധപ്പെട്ടിരിക്കുന്ന ഒന്നാണ് വാച്ച്. അതിനാൽ തന്നെ മറ്റുള്ളവരുടെ വാച്ച് നിങ്ങൾ ധരിക്കുന്നതും നിങ്ങളുടെ വാച്ച് മറ്റുള്ളവർക്ക് നൽകുന്നതും അശുഭകരമായ കാര്യമാണ്. മറ്റുള്ളവരുടെ വാച്ച് നിങ്ങൾ ധരിക്കുന്നതിലൂടെ അവരുടെ മോശം സമയം നിങ്ങളുടെ ജീവിതത്തെയും ബാധിക്കുമെന്നാണ് വാസ്തുശാസ്ത്രത്തിൽ പറയുന്നത്.

പാദരക്ഷകൾ

ഷൂസ്, ചെരുപ്പ് തുടങ്ങിയ വസ്തുക്കൾ മറ്റുള്ളവരുമായി പങ്കുവയ്ക്കാൻ പാടില്ലെന്നാണ് വാസ്തുശാസ്ത്രത്തിൽ പറയുന്നത്. ശനി മനുഷ്യന്റെ പാദങ്ങളിലാണ് കുടികൊള്ളുന്നത്. അതിനാൽ ഒരാളുടെ ഷൂസോ ചെരുപ്പോ ധരിക്കുന്നതിലൂടെ അവർക്കുള്ള ശനിദോഷം നിങ്ങളെയും ബാധിക്കുമെന്നാണ് പറയപ്പെടുന്നത്.

മോതിരം

നിങ്ങൾ മറ്റുള്ളവരുടെ മോതിരം വാങ്ങി ധരിക്കുന്നത് ജീവിതത്തിൽ മോശം ഫലമുണ്ടാക്കും എന്നാണ് വാസ്തുശാസ്ത്രത്തിൽ പറയപ്പെടുന്നത്.