താരനിരയിലേക്ക് ശിവദയും ഗൗതമി നായരും

ടൊവിനോ തോമസ്, കുഞ്ചാക്കോ ബോബൻ,ആസിഫ് അലി, എന്നിവരെ കേന്ദ്ര കഥാപാത്രങ്ങളാക്കി ജൂഡ് ആന്തണി ജോസഫ് സംവിധാനം ചെയ്യുന്ന ചിത്രത്തിന്റെ പേര് "2018 Every One is A Hero"എന്ന് മാറ്റി. വൻ താരനിരയിലൊരുങ്ങുന്ന ചിത്രത്തിൽ ഇന്ദ്രൻസ്, വിനീത് ശ്രീനിവാസൻ, ലാൽ, നരേൻ, സുധീഷ്, ജൂഡ് ആന്തണി ജോസഫ്, അജു വർഗ്ഗീസ്, ജിബിൻ ഗോപിനാഥ്, ഡോക്ടർ റോണി, അപർണ്ണ ബാലമുരളി, ശിവദ, വിനിതാ കോശി, തൻവി റാം, ഗൗതമി നായർ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത് 2018ൽ കേരളം കണ്ട ഏറ്റവും വലിയ പ്രളയമാണ് സിനിമയുടെ പശ്ചാത്തലമായി വരുന്നത്. സംവിധായകനും മലയാളത്തിലെ യുവ എഴുത്തുകാരൻ അഖിൽ. പി. ധർമ്മജനും ചേർന്നാണ് ചിത്രത്തിന്റെ രചന. കാവ്യാ ഫിലിംസ്, പി. കെ പ്രൈം പ്രൊഡക്ഷൻ എന്നി പ്രൊഡക്ഷൻസ് ബാനറിൽ നിർമ്മിക്കുന്ന ചിത്രത്തിന്റെ ഛായാഗ്രഹണം അഖിൽ ജോർജ്ജാണ്. മോഹൻ ദാസാണ് ചിത്രത്തിന്റെ പ്രൊഡക്ഷൻ ഡിസൈനർ. ചിത്രസംയോജനം- ചാമൻ ചാക്കോ. സംഗീതം- നോബിൻ പോൾ. വിഷ്ണു ഗോവിന്ദ് ചിത്രത്തിന്റെ സൗണ്ട് ഡിസൈനിങ്ങ് നിർവ്വഹിക്കുന്നു.