ചാമ്പ്യൻ ഉടൻ തിയേറ്ററിൽ അന്തരിച്ച പ്രശസ്ത സംവിധായകൻ ഷാഹുരാജ് ഷിൻഡെയുടെ അവസാന കന്നട ചിത്രമായ ചാമ്പ്യൻ മലയാളത്തിലേക്ക്.ബോളിവുഡ് താരം സണ്ണി ലിയോണിനൊപ്പം അദിതി പ്രഭുദേവ, സച്ചിൻ ദൻപാൽ എന്നിവരാണ് പ്രധാന കഥാപാത്രങ്ങളാവുന്നത്. ഇരുവരും എൻജിനിയറിംഗ് വിദ്യാർത്ഥികളുടെ വേഷത്തിലാണ്.സ്‌പോർട്‌സ് വിഷയമാണ് ടൈറ്റിൽ പറയുന്നതെങ്കിലും പ്രണയത്തിന്റെയും ഹാസ്യത്തിന്റെയും ഘടകങ്ങളും ചിത്രത്തിലുണ്ടാകും.ദേവരാജ്, അവിനാഷ്, രംഗയാന രഘു, ചിക്കണ്ണ, സുമൻ, പ്രദീപ് റാവുത്ത്, ആദി ലോകേഷ്, അശോക് ശർമ്മ, മണ്ടായ രമേഷ്, ശോഭരാജ്, ജിജി, പ്രശാന്ത് സിദ്ദി, ഗിരി, കോക്രോച്ച് സുധി എന്നിവരാണ് മറ്റ് താരങ്ങൾ. കാന്താരയുടെ സംഗീത സംവിധായകനായ ബി.അജനീഷ് ലോക്നാഥ് ആണ് സംഗീതവും പശ്ചാത്തല സംഗീതവും . ശിവം പ്രൊഡക്ഷൻസിന്റെ ബാനറിൽ ശിവാനന്ദ് .എസ് നീലണ്ണവര നിർമിക്കുന്ന ചിത്രം സാൻഹ ആർട്ട്സ്, ടെക്സസ് ഫിലിം ഫാക്ടറി എന്നിവർ ചേർന്നാണ് കേരളത്തിൽ വിതരണം. പി.ആർ. ഒ: പി.ശിവപ്രസാദ്.