അല്ലു അർജുന്റെ സഹോദരൻ അല്ലു സിരിഷുമായി പ്രണയമല്ലെന്നും എല്ലാം ഗോസിപ്പാണെന്നും അനു ഇമ്മാനുവൽ. അല്ലു കുടുംബവുമായി നല്ല ബന്ധമാണ് ഉള്ളത്. ഉർവശിവോ രാക്ഷസിവോ എന്ന ചിത്രത്തിന്റെ പൂജാചടങ്ങിനാണ് താൻ ആദ്യമായി സിരിഷിനെ കാണുന്നത്. അതിന് മുൻപ് അറിയില്ലായിരുന്നു. പിന്നീട് ഒരു കോഫി ഷോപ്പിൽവച്ച് കാണുകയും കഥാപാത്രത്തെപ്പറ്റി ചർച്ച ചെയ്യുകയും ചെയ്തു. എന്നാൽ പെട്ടെന്ന് ഒരുദിവസം ഞങ്ങൾ പ്രണയത്തിലാണെന്ന ഗോസിപ്പ് വന്നു.ഒരുദിവസം അല്ലു സിരിഷിന്റെ പിതാവ് അല്ലു അരവിന്ദ് പോലും ഇതേക്കുറിച്ച് ചോദിച്ചു. അത് പറഞ്ഞ് ഞങ്ങൾ ഇരുവരും ചിരിച്ചു. നാ പേര് സൂര്യ എന്ന ചിത്രത്തിൽ അല്ലു അർജുനൊപ്പം അഭിനയിച്ചതുമുതൽ ആ കുടുംബത്തെ അറിയാം. അനുവിന്റെ വാക്കുകൾ. അല്ലു സിരിഷും അനുവും വേഷമിട്ട ഉർവശിവോ രാക്ഷസിവോ നവംബർ 4 നാണ് തിയേറ്ററിൽ എത്തിയത്.അതേസമയം സ്വപ്ന സഞ്ചാരി സിനിമയിൽ ബാലതാരമായി അഭിനയിച്ചാണ് അനു ഇമ്മാനുവൽ വെള്ളിത്തിരയിൽ എത്തുന്നത്. ആക്ഷൻ ഹീറോ ബിജുവിൽ നിവിൻപോളിയുടെ നായികയായി.