കോഴിക്കോട്; ഇറാനിലെ ഹിജാബ് വിരുദ്ധ സമരത്തിന് ഐക്യദാർഢ്യം പ്രഖ്യാപിച്ച് കേരളത്തിലും പ്രതിഷേധം,​ കോഴിക്കോട് ഇസ്ലാമിക സ്വതന്ത്ര ചിന്തകരുടെ സംഘടനയുടെ നേതൃത്വത്തിൽ ഹിജാബ് കത്തിച്ചായിരുന്നു പ്രതിഷേധം.

കോഴിക്കോട് ടൗൺ ഹാളിന് സമീപം നടത്തിയ പ്രതിഷേധത്തിന് സംഘടനയിലെ ആറ് മുസ്ലീം സ്ത്രീകളാണ് നേതൃത്വം നൽകിയത്. ഇന്ത്യയിൽ ആദ്യമായി ഹിജാബ് കത്തിക്കുന്ന സംഭവം കൂടിയാണിത്. ഹിജാബ് നിർബന്ധമാക്കുന്നതിനെതിരെ പ്രതിഷേധിക്കുന്ന സ്ത്രീകൾക്ക് ഐക്യദാർഢ്യം പ്രഖ്യാപിച്ച് മുദ്രാവാക്യം വിളിക്കുകയും പ്ലക്കാർഡുകൾ ഉയർത്തുകയും ചെയ്തു.

ഇറാനിൽ സദാചാര പൊലീസ് കസ്റ്റഡിയിലെടുത്ത മഹ്സ അമിനയുടെ മരണത്തെ തുടർന്ന് ഉണ്ടായ ഹിജാബ് വിരുദ്ധ സമരത്തിൽ ഇതുവരെ മുന്നൂറിൽ അധികം പേരാണ് കൊല്ലപ്പെട്ടത്. മുടി മുറിച്ചും ഹിജാബ് കത്തിച്ചും ആയിരക്കണക്കിന് ആളുകളാണ് ലോകത്തിന്റെ പല ഭാഗത്ത് നിന്നും ഹിജാബ് വിരുദ്ധ പ്രതിഷേധത്തിന് പിന്തുണ നൽകിയത്.