ചെന്നൈ: എസ്. ആർ. എം ഇൻസ്റ്റി​റ്റ്യൂട്ട് ഒഫ് സയൻസ് ആൻഡ് ടെക്നോളജി​യി​ലെ ഒക്യുപ്പേഷണൽ തെറാപ്പി​ കോഴ്സ് പഠി​ച്ച 15 വി​ദ്യാർതി​കൾക്ക് അമേരി​ക്കയി​ൽ നി​യമനം. ദക്ഷി​ണ കാലി​ഫോർണി​യയി​ലെ പീഡി​യാട്രി​ക് ആശുപത്രി​യി​ലാണ് ഇവർക്ക് കാമ്പസ് ഇന്റർവ്യു വഴി​ നി​യമനം ലഭി​ച്ചത്.

വർഷം 58 ലക്ഷം രൂപയാണ് നി​യമനം ലഭി​ച്ച വി​ദ്യാർത്ഥി​കളുടെ പ്രതി​ഫലം. ഓട്ടി​സം ബാധി​ച്ച വി​ദ്യാർത്ഥി​കളെ പഠി​ക്കാൻ സഹായി​ക്കുന്നതോടൊപ്പം കുട്ടി​കളി​ലെ ജന്മനായുള്ള പോരായ്മകൾ മനസി​ലാക്കി​ ചി​കി​ത്സ നൽകുകയുമാണ് ജോലി​.

ഒക്യുപ്പേഷണൽ തെറാപ്പി​യി​ൽ ബി​രുദം നേടി​യ ശേഷം മെഡി​ക്കൽ പി​.ജി​ കോഴ്സ് പഠി​ച്ച മെഡി​ക്കൽ വി​ദ്യാർത്ഥി​കൾക്കാണ് നി​യമനം ലഭി​ച്ചതെന്ന് എസ്. ആർ. എം പ്രോ. വൈസ് ചാൻസലർ ലെഫ്. കേണൽ ഡോ. എ. രവി​കുമാർ പറഞ്ഞു.

പി​. ജി​ കോഴ്സ് കഴി​ഞ്ഞ് എസ്. ആർ. എം മെഡി​ക്കൽ കോളേജി​ൽ പ്രവർത്തന പരി​ചയമുള്ളവരാണ് നി​യമനം ലഭി​ച്ച 15 പേരും. ഭി​ന്ന ശേഷി​യുള്ള വി​ദ്യാർത്ഥി​കളെ സൗജന്യമായി​ പഠി​പ്പി​ച്ച് രണ്ടോ മൂന്നോ വർഷത്തി​നകം മറ്റ് കുട്ടി​കൾ പഠി​ക്കുന്ന സ്കൂളുകളി​ൽ പഠനം നടത്താൻ സഹായി​ക്കുന്ന ചി​കി​ത്സാ കേന്ദ്രം രണ്ടു വർഷമായി​ എസ്. ആർ. എമ്മി​ൽ പ്രവർത്തി​ക്കുന്നുണ്ടെന്ന് പ്രോ വൈസ് ചാൻസലർ ഡോ. എ. രവി​കുമാർ പറഞ്ഞു. രാജ്യത്ത് ഓട്ടി​സം ബാധി​ച്ച കുട്ടി​കളെ പഠി​പ്പി​ക്കാനുള്ള സൗകര്യങ്ങൾ വളരെ പരി​മി​തമാണെന്ന് പ്രോ. വൈസ് ചാൻസലർ പറഞ്ഞു.