ഓട്ടമത്സരത്തിൽ പങ്കെടുക്കുന്ന അൻഷിഫ് എന്ന വിദ്യാർത്ഥിയുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. ഭിന്നശേഷിക്കാരനായ അൻഷിഫ് മലപ്പുറം ജില്ലയിലെ പന്തല്ലൂർ ഹയർസെക്കൻഡറി സ്‌കൂളിലെ പത്താം ക്ലാസ് വിദ്യാർത്ഥിയാണ്.

കഴിഞ്ഞ ദിവസമായിരുന്നു സ്‌കൂളിലെ കായികമേള നടന്നത്. ഓട്ടമത്സരങ്ങൾ നടക്കുമ്പോൾ ട്രാക്കിന് അരികിലൂടെ ഓടുന്ന അൻഷിഫിനെ അദ്ധ്യാപകർ കാണുകയും, ട്രാക്കിലൂടെ ഓടാൻ അവസരം നൽകുകയും ചെയ്തു.വിക്ടറി സ്റ്റാൻഡിൽ അൻഷിഫിന് സമ്മാനദാനവും നടത്തി. വിദ്യാഭ്യാസ മന്ത്രി വി ശിവൻകുട്ടി ഓട്ടമത്സരത്തിന്റെ വീഡിയോ ഫേസ്ബുക്കിൽ പങ്കുവച്ചിട്ടുണ്ട്.

ഫേസ്ബുക്ക് പോസ്റ്റിന്റെ പൂർണ്ണരൂപം

മലപ്പുറം ജില്ലയിലെ പന്തല്ലൂർ ഹയർസെക്കൻഡറി സ്കൂളിൽ പത്താം ക്ലാസിൽ പഠിക്കുന്ന ഭിന്നശേഷി വിഭാഗത്തിൽ പെടുന്ന വിദ്യാർത്ഥിയായ അൻഷഫിനെ പരിചയപ്പെടുക. കഴിഞ്ഞ ദിവസം സ്കൂൾ കായികമേളയിൽ ഓട്ടമത്സരങ്ങൾ നടക്കുമ്പോൾ ട്രാക്കിന് അരികിലൂടെ ഓടുന്ന അൻഷിഫിനെ ശ്രദ്ധിച്ച അധ്യാപകർ ട്രാക്കിലൂടെ ഓടാൻ അവസരം നൽകുകയായിരുന്നു.

വിക്ടറി സ്റ്റാൻഡിൽ അൻഷിഫിന് സമ്മാനദാനവും നടത്തി. ആ മുഖത്ത് വിരിഞ്ഞ സന്തോഷം ഈ വീഡിയോയിൽ വ്യക്തമാണ്. കുഞ്ഞുങ്ങളെ മുന്നേറുക. എല്ലാവർക്കും ഉള്ളതാണ് ഈ ലോകം. അൻഷിഫിന് അഭിനന്ദനങ്ങൾ