റാം സാഗർ തമ്പുരാൻ, ഫോൺ: 8301036352, 7907244210. വാട്സാപ്പ് : 9633721128, ഇ-മെയിൽ : samkhiyarathnam@gmail.com

2022 നവംബർ 11 - 1198 തുലാം 25 വെള്ളിയാഴ്ച . (പുലർച്ചെ 5 മണി 7 മിനിറ്റ് 25 സെക്കന്റ് വരെ രോഹിണി നക്ഷത്രം ശേഷം മകയിരം നക്ഷത്രം )

അശ്വതി: കേസുകളും വഴക്കുകളും പരിഹരിക്കും. കള്ളൻമാരെക്കൊണ്ട് ശല്യം,യാത്രാ വേളകളിൽ വിലപിടിപ്പുള്ള സാമഗ്രികൾ നഷ്ടപ്പെടാതെ സൂക്ഷിക്കണം, സ്ത്രീജനങ്ങൾക്ക് അപഖ്യാതി കേൾക്കാൻ സാദ്ധ്യതയുള്ളതിനാൽ സൂക്ഷ്മതയോടെ കാര്യങ്ങൾ കൈകാര്യം ചെയ്യണം.

ഭരണി: ശത്രുക്കളിൽ നിന്നും ഉപദ്രവങ്ങൾ, വാഹനം സൂക്ഷിച്ച് കൈകാര്യം ചെയ്യുക, പുരുഷന്മാർ അപഖ്യാതി കേൾക്കാൻ ഇടയുണ്ട് .രോഗങ്ങളിൽ പ്രത്യേക ശ്രദ്ധ കേന്ദ്രീകരിക്കണം, ചീത്ത കൂട്ടു കെട്ടുകൾ മൂലം ദുശീലങ്ങൾ ഉണ്ടാകാൻ സാദ്ധ്യത.

കാർത്തിക: ബന്ധുക്കളെ വേർപിരിഞ്ഞിരിക്കേണ്ട സാഹചര്യം വരും, ജല യാത്ര സൂക്ഷിക്കണം, അഗ്‌നി സംബന്ധമായി അപകട സാദ്ധ്യത, ലഹരി പദാർത്ഥങ്ങളിൽ നിന്നും വിട്ടു നിൽക്കണം.

രോഹിണി: വിദേശയാത്രാ ശ്രമങ്ങൾക്ക് അനുകൂല മറുപടി ലഭിക്കും, വില കൂടിയ സമ്മാനങ്ങൾ ലഭിക്കും, തീർപ്പുകൽപ്പിക്കാതെ കിടന്ന വ്യവഹാരത്തിൽ അനുകൂലവിധി, തൊഴിൽ ലഭിക്കും, വാഹനം, ഗൃഹം എന്നിവ വാങ്ങാൻ സാദ്ധ്യത, പൂർവിക സ്വത്ത് ലഭിക്കും.

മകയിരം: രാഷ്ട്രീയത്തിൽ ഉള്ളവർക്ക് കൂടുതൽ പദവികൾ ലദിക്കും, വിദ്യാർത്ഥികൾക്ക് നല്ല ദിനം, മുടങ്ങികിടക്കുന്ന ബിസിനസ് രംഗം തെളിഞ്ഞു തുടങ്ങും, സഹായവും വായ്പാ സൗകര്യവും ലഭിക്കും. അപകടങ്ങളിൽ നിന്നും രക്ഷപ്പെടും.

തിരുവാതിര: ഇഷ്ടജനങ്ങളിൽ നിന്നും സഹോദരങ്ങളിൽ നിന്നും ഉണ്ടായിരുന്ന ഭിന്നത മാറും, ആത്മീയ കാര്യങ്ങളിൽ ശ്രദ്ധ വർദ്ധിക്കും, ഉദ്യോഗാർത്ഥികൾക്ക് തൊഴിൽ ലാഭവും വിദ്യാർത്ഥികൾക്ക് ഉന്നത വിദ്യാഭ്യാസവും ലഭിക്കും.

പുണർതം: സ്ത്രീകൾ കാരണം പലവിധ നേട്ടങ്ങൾ, സമ്മാനാദികൾ ലഭിക്കും, മാതാപിതാക്കളെ കൊണ്ട് ഗുണങ്ങൾ ഉണ്ടാകും, സന്താനങ്ങൾക്ക് ഉപരിപഠനം ലഭിക്കുന്നതാണ്.

പൂയം: സാമൂഹ്യ രംഗത്ത് ശോഭിക്കും, ഇഷ്ടജന സഹകരണമുണ്ടാകും, സർക്കാരിൽ നിന്നും അനുകൂല നടപടി, ലഹരി പദാർത്ഥങ്ങളുടെ ഉപയോഗം കൂടും, മാതാപിതാക്കളുടെ ആരോഗ്യ കാര്യങ്ങളിൽ പ്രത്യേക ശ്രദ്ധ വയ്ക്കണം.

ആയില്യം: ഗൃഹ സുഖവും സ്ഥാനലാഭവും സ്ത്രീ സുഖവും ഫലം, വസ്തു ക്രയവിക്രയ സാദ്ധ്യത, വിവാഹ പ്രായമായവർക്ക് വിവാഹം നടക്കാൻ സാദ്ധ്യത, ലക്ഷ്യബോധത്തോടും ഏകാഗ്രതയോടും കൂടി പ്രവർത്തിച്ച് വിജയം കൊയ്യും.

മകം: തൊഴിൽ സ്ഥാപനത്തിൽ കുഴപ്പങ്ങൾ, വ്യക്തമായ തീരുമാനത്തിലൂടെ മാത്രമേ കാര്യങ്ങളിൽ ഇടപെടാവൂ, ഭാര്യയുടെ ആരോഗ്യ നില പ്രത്യേകം ശ്രദ്ധിക്കണം, സദസുകളിൽ അപമാനിതരാകാതെ ശ്രദ്ധിക്കണം.

പൂരം: കട ബാദ്ധ്യതയുണ്ടാകും, അയൽ പക്കക്കാരുടെയും ശത്രുക്കളുടെയും ശല്യം, ശാരീരിക ദുരിതമുണ്ടാകാതിരിക്കാനും, ഹൃദയ രോഗമുണ്ടാകാതിരിക്കാനും ശ്രദ്ധിക്കണം, സന്താനങ്ങളുടെ മേൽ കരുതൽ വേണം.

ഉത്രം: കമിതാക്കൾ തമ്മിൽ സൗന്ദര്യ പിണക്കം ഉണ്ടാകാതെ ശ്രദ്ധിക്കണം,വിശ്വാസ വഞ്ചനയ്ക്ക് പാത്രമാകും, അസൂയക്കാരിൽ നിന്നും ശല്യമുണ്ടാകും, സദാചാര വിരുദ്ധ ജീവിതം ഒഴിവാക്കണം, ലഭിച്ചു കൊണ്ടിരുന്ന സഹായങ്ങൾ നിലയ്ക്കും.

അത്തം: പുതിയ കരാറിലൊപ്പുവയ്കും, കുടുംബ സ്വസ്ഥത ലഭിക്കും, മനസിന് ഇഷ്ടപെട്ട തൊഴിൽ ലഭിക്കും, പൂർവിക സ്വത്ത് ലഭിക്കും,പുസ്തകങ്ങൾക്കും ഔഷധങ്ങൾക്കുമായി ധനം ചെലവഴിക്കും.

ചിത്തിര: എതിർലിംഗക്കാർ മൂലം അപമാനം ഉണ്ടാകും, ഇഷ്ട ജനങ്ങളുടെ അനൈക്യതകളാൽ വാടക വീട്ടിലേക്ക് താമസം മാറും, ചെയ്യാത്ത കുറ്റത്തിന് അപവാദം കേൾക്കാൻ ഇടവരും, പ്രകോപനങ്ങളിൽ അകപ്പെടരുത്.

ചോതി: മന:സുഖക്കുറവ്, നിയമന ഉത്തരവുകൾ വൈകും, വിവാഹ സംബന്ധമായ ദുരിതങ്ങൾ, വാക്കു തർക്കങ്ങൾ നടത്തരുത്, ആരോഗ്യം ശ്രദ്ധിക്കണം, അസുഖങ്ങൾക്ക് പുതിയ ചികിത്സാ രീതി വഴി മോചനം കിട്ടും.

വിശാഖം: ശാരീരികമായ അലട്ടലുകൾ, പങ്കാളിയുമായി കലഹം, ധനം കടം കൊടുക്കരുത്, ശരീര പീഡയ്ക്ക് സാദ്ധ്യതയുള്ളതിനാൽ സൂക്ഷിക്കുക, മനശാന്തി കുറവുണ്ടാകും, ആയതിനാൽ തൊഴിൽ ശ്രദ്ധയോടെ കൈകാര്യം ചെയ്യണം.

അനിഴം: ആരോഗ്യസ്ഥിതി മോശമാകും, സ്ത്രീകൾ നിമിത്തം പ്രശ്‌നങ്ങൾ ഉണ്ടാകാൻ സാദ്ധ്യത ഉള്ളതിനാൽ പ്രത്യേക ശ്രദ്ധ കേന്ദ്രീകരിക്കണം, ആദ്ധ്യാത്മിക കാര്യങ്ങളിൽ താത്പര്യം വർദ്ധിക്കും.

കേട്ട: വിവാഹാലോചനകൾ നീണ്ടു പോകും, ശത്രുക്കൾ പലപ്പോഴും, മിത്ര രൂപത്തിൽ വരികയും കുഴിയിൽ ചാടിക്കുകയും ചെയ്യും, പണം കടം കൊടുക്കരുത്, വാക്കുകൾ സൂക്ഷിച്ച് പ്രയോഗിക്കുക.

മൂലം: ടെസ്റ്റുകളിൽ വിജയം. ഗവ: ജോലിക്കാർക്ക് അംഗീകാരവും അനുമോദനവും ലഭിക്കും, വിദേശബന്ധുക്കളിൽ നിന്നും സഹായം ലഭിക്കും,പുണ്യക്ഷേത്ര സന്ദർശനം നടത്തും, ജോലി അന്വേഷിക്കുന്നവർക്ക്‌ അവ ലഭിക്കും.

പൂരാടം: ഭൂമി വാങ്ങാനവസരം, ഗുരുജനങ്ങളെ കണ്ടു മുട്ടും,വിദേശ യാത്രയ്ക്ക് യോഗം, പ്രണയബന്ധത്തിൽ നേട്ടം, സന്താനങ്ങളിൽ നിന്നും നേട്ടം, ആത്മവിശ്വാസം ഉണ്ടാകും, സമചിത്തതയോടെ പ്രവർത്തിക്കും.

ഉത്രാടം: ബന്ധുക്കളിൽ നിന്നും വിരോധങ്ങളും ഔദ്യോഗിക രംഗത്ത്ശത്രുക്കളും ഉണ്ടാകാതെ സൂക്ഷിക്കണം. രാഷ്ട്രീയം കല കായികം വ്യവസായം എന്നീ രംഗത്ത് പ്രതിസന്ധികൾ.

തിരുവോണം: സാമ്പത്തിക വിഷമതകൾ മാറും, കുടുംബ സുഖം ലഭിക്കും, മന:സുഖം ലഭിക്കും, പൊതുരംഗത്ത് പ്രശസ്തി, വിദേശത്തുള്ള ബന്ധുക്കൾ വഴി സഹായങ്ങൾ.

അവിട്ടം: സ്വജനങ്ങളുമായി രമ്യതയിലെത്തും ഷെയർ കച്ചവടത്തിൽ ലാഭം ,ഇഷ്ടജന സംഗമം, രോഗശമനം, അർഹിക്കുന്ന സ്ഥാനം ലഭിക്കും, വിവാദങ്ങളിൽ വിജയിക്കും, പ്രവൃത്തി മേഖലയിൽ പ്രതിസന്ധികൾ മാറും.

ചതയം: തൊഴിൽ തടസം മാറും, പൊതുജന പിന്തുണ വർദ്ധിക്കും,സൽകർമ്മങ്ങൾ, തീർത്ഥയാത്രകൾ, സത്സംഗം എന്നിവയിൽ പങ്കെടുക്കും, കഠിനമായ അദ്ധ്വാനം കൊണ്ട് ചുമതലകൽ നിർവഹിക്കും, പൂർവിക സ്വത്ത് ലഭിക്കും.

പൂരുരുട്ടാതി: രഹസ്യ പ്രവർത്തനങ്ങളിൽ ഏർപ്പെട്ട് പരാജിതരാകരുത്, മനസാക്ഷിക്ക് വിപരീതമായി പ്രവർത്തിക്കരുത്, പൊതുവേദിയിൽ അപഹാസ്യത്തിനും മാനഹാനിക്കും സാധ്യത.

ഉത്തൃട്ടാതി: ഇഷ്ടഭക്ഷണലഭ്യത, കലാകാരന്മാർക്ക് കലാ രംഗത്തു നിന്നും ധനാഗമം, അംഗീകാരം, സർക്കാരിൽ നിന്നും അനുകൂല നടപടി, കുടുംബത്തിൽ മംഗല്യ സിദ്ധിയ്ക്ക് വേണ്ടി പുണ്യകർമ്മങ്ങൾ നടത്തും.

രേവതി: കുടുംബ സ്വത്തിൽ തർക്കം വരും, അവ ബുദ്ധിപൂർവം കൈകാര്യം ചെയ്യണം. പ്രണയത്തിൽ നിന്നും വിട്ട് നിൽക്കണം. ഭരണാധികാരികൾക്ക് പ്രതിസന്ധിയ്ക്ക് സാധ്യത