ഗുരുതരമായ അസുഖം ബാധിച്ച് ശസ്ത്രക്രിയക്ക് ബുദ്ധിമുട്ടുന്നുകുരുന്നുകൾക്ക് ലക്ഷങ്ങളുടെ സഹായഹസ്തവുമായി ദുൽഖർ സൽമാൻ. കരൾ,ഹൃദയം,വൃക്ക ഉൾപ്പെടെ ഗുരുതര രോഗങ്ങൾ ബാധിച്ച് കുരുന്നുകളുടെ ശസ്ത്രക്രിയ്ക്ക് ബുദ്ധിമുട്ടുന്ന കുടുംബത്തിനാണ് ദുൽഖറിന്റെ സഹായം.

ദുൽഖർ നേതൃത്വം നൽക്കുന്ന 'വേഫെറേഴ്സ് ട്രീ ഓഫ് ലൈഫ്' എന്ന പദ്ധതിയിൽ ദുൽഖൻ സൽമാൻ ഫാമിലിയുടെ നേതൃത്വത്തിൽ ആസ്റ്രർ മെഡിസിറ്റി, കെെറ്റ്സ് ഫൗണ്ടേഷൻ, വേഫെറർ ഫിലിംസ് എന്നിവർ കെെകോ‌ർത്തും. സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ നൂറ് കുഞ്ഞുങ്ങൾക്കായിരിക്കും ഈ പദ്ധതിയിലൂടെ സഹായം ലഭിക്കുക. ഓരോ ശസ്ത്രക്രിയ്ക്കും 20 ലക്ഷമോ അതിലധികമോ ചിലവാണ് വരിക. സാമ്പത്തികമായി ബുദ്ധിമുട്ടുന്ന കുടുംബങ്ങൾക്ക് ഈ തുക താങ്ങാവുന്നതിലും അപ്പുറമാണ്. ഇത് തിരിച്ചറിഞ്ഞാണ് സഹായവുമായി ദുൽഖൻ സൽമാൻ ഫാമിലി രംഗത്തെത്തിയത്.

ഇതുമായി ബന്ധപ്പെട്ട വിവരങ്ങൾക്ക് dqfamily.org എന്ന വെബ്സെെറ്രിൽ ലഭ്യമാണ്. സെെറ്രിൽ കയറി രജിസ്റ്രർ ചെയ്ത ശേഷം ഫോം പൂരിപ്പിക്കുകയാണ് ചെയ്യേണ്ടത്. ഇതുമായി ബന്ധപ്പെട്ട സംശയങ്ങൾക്ക് 8138000933, 8138000934, 8138000935 എന്നീ ടോൾ ഫ്രീ നമ്പറുകളിൽ വിളിക്കാം.

കലാപരമായി കഴിവുണ്ടായിട്ടും അത് പ്രകടിപ്പിക്കാൻ ഒരു വേദി ലഭിക്കാത്തതും അവഗണിക്കപ്പെടുന്നതുമായ കലാകാരന്മാർക്കായി ദുൽഖർ ഉടമസ്ഥതയിലുള്ള വേഫെറർ ഫിലിംസ് ആരംഭിച്ചതാണ് ദുൽഖർ സൽമാൻ ഫാമിലി.