ന്യൂഡൽഹി: ഡൽഹിയിൽ ഡിസംബർ നാലിന് നടക്കുന്ന മുൻസിപ്പൽ തിരഞ്ഞെടുപ്പിലേക്ക് ഇതുവരെ 2520 സ്ഥാനാർത്ഥികൾ നാമനിർദ്ദേശ പത്രിക സമർപ്പിച്ചു. ഇതിൽ സൂക്ഷ്മ പരിശോധനയ്ക്ക് ശേഷം 1,100ലധികം നാമനിർദ്ദേശങ്ങൾ തള്ളി. തീർപ്പാക്കത്തവയുടെ സൂക്ഷ്മ പരിശോധന ഇന്നലെ റിട്ടേണിംഗ് ഒഫീസർമാർ ഏറ്റെടുത്തു. അപൂർണമായ ഫോമുകൾ, കാണാതായ സത്യവാങ്മൂലങ്ങൾ, ഒന്നിലധികം നാമനിർദ്ദേശങ്ങൾ, ജാതി സർട്ടിഫിക്കറ്റുകൾ സമർപ്പിക്കാത്തത്, അസാധുവായ എ/ബി ഫോമുകൾ തുടങ്ങിയവയാണ് നാമനിർദ്ദേശ പത്രികകൾ തള്ളാനുള്ള കാരണങ്ങൾ.
2520 പത്രികകൾ
ലഭിച്ച നാമനിർദ്ദേശ പത്രികകൾ- 2520
സ്വീകരിച്ചവ- 1,405
നിരസിക്കപ്പെട്ടത്- 1,115
കോൺഗ്രസ് സമർപ്പിച്ചത്- 405
സ്വീകരിച്ചത്- 243
ആംആദ്മി സമർപ്പിച്ചത്- 728
സ്വീകരിച്ചത്- 255
ബി.ജെ.പി സമർപ്പിച്ചത്- 654
സ്വീകരിച്ചത്- 252
തീർപ്പു കല്പിക്കാത്തവ- 65
പത്രിക സമർപ്പിക്കൽ ആരംഭിച്ചത്- നവംബർ 7
അവസാന തീയതി- നവംബർ 14
സൂക്ഷ്മ പരിശോധന- നവംബർ 16
പിൻവലിക്കാനുള്ള അവസാന തീയതി- 19