മലപ്പുറം: മലബാർ യാത്രയെ ചൊല്ലിയുള്ള വിവാദങ്ങൾ തുടരുന്നതിനിടെ ശശി തരൂർ എംപി പാണക്കാടെത്തി. മുസ്ലീം ലീഗ് സംസ്ഥാന അദ്ധ്യക്ഷൻ പാണക്കാട് സാദിഖലി തങ്ങളുടെ വസതിയിലാണ് ശശി തരൂർ എത്തിയത്. സാദിഖലി തങ്ങൾ, പികെ കുഞ്ഞാലിക്കുട്ടി, പിഎംഎ സലാം, യൂത്ത് ലീഗ് സംസ്ഥാന അദ്ധ്യക്ഷൻ മുനവ്വറലി ശിഹാബ് തങ്ങൾ ഉൾപ്പെടെയുള്ളവർ തരൂരിനെ സ്വീകരിച്ചു. എംകെ രാഘവൻ എംപിയും തരൂരിനൊപ്പമുണ്ടായിരുന്നു.

'പാണക്കാട് സന്ദർശനം സാധാരണ കാര്യമാണ്. മലപ്പുറത്ത് വരുമ്പോഴെല്ലാം അദ്ദേഹത്തെ കാണാൻ എത്താറുണ്ട്. കോൺഗ്രസിലെ ഘടകകക്ഷികളെ ഒന്നിപ്പിക്കാനാണ് ശ്രമം. പുതിയ ഗ്രൂപ്പുണ്ടാക്കില്ല. പാർട്ടിയെ മുന്നോട്ട് നയിക്കാനുള്ള ശ്രമങ്ങൾ മാത്രമാണ് നടത്തുന്നത്. എല്ലാവരെയും ഒന്നിപ്പിച്ചുകൊണ്ടുള്ള രാഷ്ട്രീയമാണ് എന്റെ ലക്ഷ്യം.'- കൂടിക്കാഴ്ചയ്ക്ക് ശേഷം തരൂർ പറഞ്ഞു.

അതേസമയം, ശശി തരൂർ പാണക്കാടെത്തുന്നത് സൗഹൃദ സന്ദർശനമാണെന്നും രാഷ്ട്രീയ വിഷയങ്ങൾ സ്വാഭാവികമായും ചർച്ചയാകുമെന്നും മുസ്ലീം ലീഗ് ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി കഴിഞ്ഞ ദിവസം പറഞ്ഞിരുന്നു. കോ​ൺ​ഗ്ര​സി​ലെ​ ​ആ​ഭ്യ​ന്ത​ര​ ​വി​ഷ​യ​ങ്ങ​ളി​ൽ​ ​ലീ​ഗ് ​ഇ​ട​പെ​ടി​ല്ല.​ ​പ്ര​ശ്നം​ ​പ​രി​ഹ​രി​ക്കാ​നു​ള്ള​ ​പ്രാ​പ്തി​ ​കോ​ൺ​ഗ്ര​സി​നു​ണ്ട്.​ ​മ​തേ​ത​ര​ത്വ​വും​ ​ഐ​ക്യ​വു​മാ​ണ് ​പ്ര​ധാ​ന​മെ​ന്ന് ​കോ​ൺ​ഗ്ര​സ് ​നേ​താ​ക്ക​ൾ​ക്ക് ​ത​ന്നെ​ ​അ​റി​യാം.​ ​ത​രൂ​ർ​ ​മ​തേ​ത​ര​ ​നി​ല​പാ​ട് ​ഉ​യ​ർ​ത്തി​പ്പി​ടി​ച്ച​ ​നേ​താ​വാ​ണ്.​ ​അ​ദ്ദേ​ഹം​ ​ശ്ര​ദ്ധി​ക്ക​പ്പെ​ടു​ന്ന​ ​വ്യ​ക്തി​ ​ആ​യ​ത് ​കൊ​ണ്ടാ​ണ് ​ഇ​ത്ത​രം​ ​വാ​ർ​ത്ത​ക​ൾ​ ​ഉ​ണ്ടാ​കു​ന്ന​തെന്നും കുഞ്ഞാലിക്കുട്ടി പറഞ്ഞു.