ജാഗ്വറും പുള്ളിപ്പുലിയും തമ്മിൽ വളരെയേറെ വ്യത്യാസങ്ങളൊന്നുമില്ല. ഇവയുടെ ശരീരഘടന വച്ചാണ് ഇവയെ തിരിച്ചറിയുന്നത്. എന്നാൽ സാധാരണക്കാരനായ ഒരാൾക്ക് പെട്ടെന്ന് ഇവരെ തിരിച്ചറിയാൻ പ്രയാസമാണ്. ഇപ്പോഴിതാ ഇന്ത്യൻ ഫോറസ്റ്റ് സർവീസ് ഉദ്യോഗസ്ഥനായ പ്രവീൺ കസ്വാൻ തന്റെ ട്വിറ്ററിൽ ഒരു വെല്ലുവിളി നടത്തിയിരിക്കുകയാണ്. പുള്ളിപ്പുലിയുടെയും ജാഗ്വറിന്റെയും ചിത്രങ്ങൾ പങ്കുവച്ച ശേഷം ജനങ്ങളോട് അവയെ ശരിയായി തിരിച്ചറിയാൻ പറയുന്നു. 'നിങ്ങളിൽ എത്രപേർക്ക് പുള്ളിപ്പുലിയെയും ജാഗ്വറിനെയും തിരിച്ചറിയാൻ കഴിയും'. എന്ന അടിക്കുറിപ്പോടൊയാണ് ചിത്രം ട്വീറ്റ് ചെയ്തിരിക്കുന്നത്. ഇവയുടെ ശരീരത്തിലെ പുള്ളികൾ വ്യത്യാസ്തമാണെന്നും അദ്ദേഹം പറയുന്നു.

ഈ വെല്ലുവിളി ഉടൻ തന്നെ ആളുകൾ ഏറ്റെടുത്തു കഴിഞ്ഞു. നിരവധി പേർ കമന്റുകളിലൂടെ തങ്ങളുടെ അഭിപ്രായം പ്രകടിപ്പിച്ചു. മിക്ക ആളുകളും ശരിയായി ഇവയെ തിരിച്ചറിഞ്ഞിട്ടുണ്ട്. ചില‌ർ പുള്ളിപ്പുലിയുടെയും ജാഗ്വറിന്റെയും വ്യത്യാസങ്ങൾ എണ്ണമിട്ട് തിട്ടപ്പെടുത്തുന്നുമുണ്ട്.

Lets see how many can identify. Which one of them is Jaguar & which one is Leopard. The pattern makes the difference, apart from other things. pic.twitter.com/C68YIlDKCC

— Parveen Kaswan, IFS (@ParveenKaswan) November 28, 2022

ഇതിന് പിന്നാലെ പ്രവീൺ കസ്വാൻ തന്റെ പുതിയ പോസ്റ്റിലുടെ പുള്ളിപ്പുലിയുടെയും ജാഗ്വറിന്റെയും വ്യത്യാസങ്ങൾ വിശദീകരിച്ചു. ഒത്തിരി മറുപടികൾ വന്നുവെന്നും ആദ്യമുള്ളത് പുള്ളിപ്പുലിയാണെന്നും രണ്ടാമത്തേത് ജാഗ്വർ ആണെന്നും അദ്ദേഹം അറിയിച്ചു. ജാഗ്വറുകളെ ഇന്ത്യയിൽ കാണാൻ കഴിയില്ലെന്നും അവയ്ക്ക് പുള്ളിപ്പുലിയെക്കാൾ വലുപ്പം ഉണ്ടെന്നും അദ്ദേഹം പറഞ്ഞു.

Received more than thousand replies. First one is Leopard. Second is a jaguars. Jaguars are not found in India. They are well built. Both are Panthera. Many difference. One is in pattern in rosette. Jaguars have bigger & in them there is a dot. Leopards have small. See the pic. pic.twitter.com/hY7iYL9qbF

— Parveen Kaswan, IFS (@ParveenKaswan) November 29, 2022