വളാഞ്ചേരി: അത്തിപ്പറ്റ ഉസ്താദ് നാലാം ഉറൂസ് മുബാറക്കിന്റെ സമാപനദിനമായ ഇന്ന് രാവിലെ 10ന് നടക്കുന്ന ഖത്മുൽ ഖുർആൻ പ്രാർത്ഥനാ സദസ് സയ്യിദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്യും. സയ്യിദ് പൂക്കോയ തങ്ങൾ കാടാമ്പുഴ അദ്ധ്യക്ഷത വഹിക്കും. ഡോ. ബഹാവുദ്ധീൻ മുഹമ്മദ് ന‌ദ്‌വി കൂരിയാട് അനുഗ്രഹഭാഷണവും ഓണമ്പിള്ളി മുഹമ്മദ് ഫൈസി മുഖ്യപ്രഭാഷണവും നടത്തും. സമാപന പ്രാർത്ഥനയ്ക്ക് സയ്യിദ് നാസർ അബ്ദുൽ ഹയ്യ് ശിഹാബ് തങ്ങൾ നേതൃത്വം നൽകും. 11ന് അന്നദാനം സയ്യിദ് ജിഫ്രി മുത്തുക്കോയ തങ്ങൾ പല്ലാർ ഇ.കെ. മൊയ്തീൻ ഹാജിക്ക് നൽകി വിതരണോദ്ഘാടനം നിർവഹിക്കും.