കൊല്ലങ്കോട്: സംസ്ഥാന മാസ്റ്റേഴ്സ് സ്വിമ്മിംഗ് ചാമ്പ്യൻഷിപ്പിൽ വീണ്ടും സ്വർണ തിളക്കവുമായി രതീഷ് കാക്കയൂർ. കോട്ടയം തോപ്പൻസിൽ നടന്ന 11-ാമത് സംസ്ഥാന മാസ്‌റ്റേഴ്സ് സ്വിമ്മിംഗ് ചാമ്പ്യൻഷിപ്പിലാണ് കൊടുവായൂർ കാക്കയൂർ തോണിപ്പാടം ലക്ഷ്മണന്റെ മകൻ എൽ. രതീഷ് നാല് സ്വർണവും രണ്ട് വെള്ളിയും ഉൾപ്പെടെ ആറ് മെഡലുകൾ പാലക്കാട് ജില്ലയ്ക്കായി നേടിയത്. 100 മീറ്ററർ ഫ്രീ സ്റ്റൈൽ, 100 മീറ്റർ ബ്രെ സ്റ്റോക്ക്, 50 മീറ്റർ ബ്രേ സ്റ്റോക്ക്, 4 x 50 മീറ്റർ ഫ്രീ സ്റ്റൈൽ എന്നിവയിൽ ഒന്നാം സ്ഥാനം നേടി. 4 x 50 ഫ്രീസ്റ്റൈൽ, 200 മീറ്റർ ഫ്രീസ്റ്റൈൽ രണ്ടാം സ്ഥാനവും ലഭിച്ചു.

അടുത്ത മാസം ഹരിയാനയിൽ നടക്കുന്ന നാഷണൽ സ്വിമ്മിംഗ് മത്സരത്തിൽ പങ്കെടുക്കാൻ ഒരുങ്ങുകയാണ് രതീഷ്. പാലക്കാട് പിരിവ് ശാലയിൽ കാർ ഡിറ്റേലിംഗ് (സെറാമിക്ക്‌ കോട്ടിംഗ്) ഷോപ്പ് നടത്തി വരുന്നു.

കാക്കയൂരിൽ ഉൾപ്പെടെ 150 ഓളം കുട്ടികളെ സൗജന്യമായി നീന്തൽ പരിശീലനം നൽകുന്ന സുരേഷിന്റെ നേതൃത്വത്തിലുള്ള പരിശീലനത്തിലാണ് രതീഷിന്റെ സ്വർണ നേട്ടം. 2019ൽ നടന്ന സംസ്ഥാന മാസ്റ്റേഴ്സ് ചാമ്പ്യൻഷിപ്പിൽ മൂന്ന് സ്വർണവും 2021ൽ നാല് സ്വർണവും നേടിയിട്ടുണ്ട്.