തിരുവല്ല: ക്രിസ്തുദർശനം സഭയിലും സമൂഹത്തിലും പ്രയോഗത്തിലെത്തിച്ച വിശുദ്ധനാണ് പരുമല തിരുമേനിയെന്ന് മന്ത്രി വീണാ ജോർജ്ജ് പറഞ്ഞു. പരുമല തിരുമേനിയുടെ 120ാം ഓർമ്മപ്പെരുന്നാളിനോടനുബന്ധിച്ച് നടന്ന തീർത്ഥാടന വാരാഘോഷ സമാപന സമ്മേളനം ഉദ്ഘാടനം ചെയ്യുകയായിരുന്നു മന്ത്രി. സുന്നഹദോസ് സെക്രട്ടറി ഡോ.യൂഹാനോൻ മാർ ക്രിസോസ്റ്റമോസ് അദ്ധ്യക്ഷത വഹിച്ചു. ജില്ലാ കളക്ടർ ഡോ.ദിവ്യാ എസ്. അയ്യർ സന്ദേശം നൽകി. ഡോ.എലിസബേത്ത് ജോയി മുഖ്യപ്രഭാഷണം നടത്തി. ഏബ്രഹാം മാർ സ്‌തേഫാനോസ് മെത്രാപ്പോലിത്ത, മാത്യു ടി. തോമസ് എം.എൽ.എ., വൈദിക ട്രസ്റ്റി ഫാ.ഡോ.തോമസ് വർഗീസ് അമയിൽ, അത്മായ ട്രസ്റ്റി റോണി വർഗീസ് ഏബ്രഹാം, അസോസിയേഷൻ സെക്രട്ടറി അഡ്വ.ബിജു ഉമ്മൻ, ഡോ. എം.കുര്യൻ തോമസ്, പരുമല സെമിനാരി മാനേജർ കെ.വി. പോൾ റമ്പാൻ, പരുമല സെമിനാരി കൗൺസിൽ അംഗങ്ങളായ കെ.ജി.ജോൺസൺ കല്ലിട്ടതിൽ കോർഎപ്പിസ്‌കോപ്പ, സൈമൺ കെ. വർഗീസ്, എ.എം.കുരുവിള അരികുപുറം, പി.എ.ജേക്കബ്, ജി.ഉമ്മൻ എന്നിവർ പ്രസംഗിച്ചു.