പത്തനംതിട്ട : വെച്ചൂച്ചിറ പൊലീസ് സ്റ്റേഷനിൽ 1985 ൽ രജിസ്റ്റർ ചെയ്ത റബ്ബർ ഷീറ്റ് മോഷണ കേസിലെ പ്രതിയെ പൊലീസ് പിടികൂടി. അത്തിക്കയം കരികുളം ചെമ്പനോലി മേൽമുറി വീട്ടിൽ പൊടിയൻ (71)നെയാണ് വെച്ചൂച്ചിറ പൊലീസ് കലഞ്ഞൂർ പോത്തുപാറയിൽ നിന്ന് അറസ്റ്റുചെയ്തത്. , മോഷണത്തിന് ശേഷം ഇയാൾ മുങ്ങുകയായിരുന്നു. മൊബൈൽ ഫോണോ മറ്റ് സൗകര്യങ്ങളോ ഇല്ലായിരുന്ന പൊടിയനുമായി ബന്ധുക്കൾക്കോ നാട്ടുകാർക്കോ യാതൊരു ബന്ധവും ഇത്രനാളും ഇല്ലായിരുന്നു. ഇയാൾ എവിടാണെന്നും ആർക്കും അറിവില്ലായിരുന്നു, പോത്തുപാറ വനത്തിൽ ഒളിച്ചു താമസിക്കുന്നതായി വെച്ചൂച്ചിറ പൊലീസ് ഇൻസ്‌പെക്ടർ ജെസ്ലിൻ വി.സ്കറിയ്ക്ക് ലഭിച്ച രഹസ്യവിവരത്തെ തുടർന്ന് സാഹസികമായി പിടികൂടുകയായിരുന്നു. എസ് .ഐ സായ് സേനൻ, എസ്. സി. പി ഒ. സാംസൺ, സി. പി .ഓമാരായ വിഷ്ണു കെ .എസ്, ലാൽ, ശ്യാകുമാർ എന്നിവർ സംഘത്തിലുണ്ടായിരുന്നു.