പ്രമാടം : കോന്നി വിദ്യാഭ്യാസ ഉപജില്ല സ്‌കൂൾ കലോത്സവം 21 മുതൽ 24 വരെ പ്രമാടം നേതാജി ഹയർ സെക്കൻഡറി സ്കൂൾ, ഗവ.എൽ.പി സ്കൂൾ എന്നിവിടങ്ങളിലായി നടക്കും. സ്വാഗതസംഘ രൂപീകരണ യോഗം ജില്ലാ പഞ്ചായത്തംഗം റോബിൻ പീ​റ്റർ ഉദ്ഘാടനം ചെയ്തു. പ്രമാടം ഗ്രാമപഞ്ചായത്ത് പ്രസിഡന്റ് എൻ. നവനീത് അദ്ധ്യക്ഷത വഹിച്ചു.ഉപജില്ല വിദ്യാഭ്യാസ ഓഫീസർ എസ് സന്ധ്യ, പ്രൻസിപ്പൽ ആർ. ദിലീപ് ,ഗ്രാമ പഞ്ചായത്തംഗങ്ങളായ രാജി.സി.ബാബു, കെ. എം. മോഹനൻ , ലിജ ശിവപ്രകാശ്, മനേജ്‌മെന്റ് പ്രതിനിധി ടി. ആർ സുരേഷ്, പി.ടി.എ പ്രസിഡന്റ് ഫാ.ജിജി തോമസ്, പ്രഥമാദ്ധ്യാപകരായ പി.ശ്രീലത, എൻ.ഡി. വത്സല എന്നിവർ പ്രസംഗിച്ചു.

സ്‌കൂളുകൾ മത്സരാർത്ഥികളുടെ പേരു വിവരം14 വൈകിട്ട് അഞ്ചിന് മുമ്പ് രജിസ്​റ്റർ ചെയ്യണമെന്ന് വിദ്യാഭ്യാസ ഓഫീസർ അറിയിച്ചു. കലോത്സവ നടത്തിപ്പിനായി എൻ.നവനീത് (ചെയർമാൻ), ആർ.ദിലീപ് (ജനറൽ കൺവീനർ) എസ്.സന്ധ്യ (ട്രഷറർ) എന്നിവർ ഭാരവാഹികളായി സംഘാടക സമിതി പ്രവർത്തനം ആരംഭിച്ചു.