തിരുവല്ല: താലൂക്ക് ആശുപത്രിയിലെ ജില്ലാ ഏർളി ഇന്റർവെൻഷൻ സെന്ററിന്റെ (ഡി.ഇ.ഐ.സി) ആഭിമുഖ്യത്തിൽ നഗരസഭാ പാർക്കിൽ ശിശുദിനാഘോഷം സംഘടിപ്പിച്ചു. മാത്യു ടി.തോമസ് എം.എൽ.എ ഉദ്ഘാടനം ചെയ്തു. കുട്ടികൾ ചേർന്ന് ആഘോഷത്തിന് ഭദ്രദീപം തെളിച്ചു. നഗരസഭാ ചെയർപേഴ്‌സൺ ശാന്തമ്മ വർഗീസ് അദ്ധ്യക്ഷത വഹിച്ചു.സബ് കളക്ടർ ശ്വേതാ നഗർകോട്ടി വിശിഷ്ടാതിഥിയായി. ഡി.ഇ.ഐ.സി. മെഡിക്കൽ ഓഫീസർ ഡോ.ഷെറിൻ തോമസ് റിപ്പോർട്ട് അവതരിപ്പിച്ചു. നഗരസഭാ വൈസ് ചെയർമാൻ ജോസ് പഴയിടം, കൗൺസിലർമാരായ സാറാമ്മ ഫ്രാൻസിസ്, ബിന്ദു ജേക്കബ്, താലൂക്ക് ആശുപത്രി സൂപ്രണ്ട് ഡോ. ബിജു ബി.എൻ, ഡോ.ചാർളി ചെറിയാൻ, ഡി.ഇ.ഐ.സി മാനേജർ അർച്ചന സഹജൻ എന്നിവർ പ്രസംഗിച്ചു. ഇതോടനുബന്ധിച്ച് കുട്ടികളുടെ വളർച്ച വികാസം എന്നിവയെക്കുറിച്ച് ശിശുരോഗ വിദഗ്ദരായ ഡോ.മഞ്ജു ഏബ്രഹാം, ഡോ.സ്മിതാ വിശ്വനാഥ്‌, ഡോ.അഞ്ജു ആൻ ജോർജ്ജ് എന്നിവർ ക്ലാസെടുത്തു. കെ.എസ്.ആർ.ടി.സി ബസ് സ്റ്റാൻഡിൽ നിന്ന് താലൂക്ക് ആശുപത്രി അങ്കണത്തിലേക്ക് കുട്ടികളുടെ ആരോഗ്യവുമായി ബന്ധപ്പെട്ട ഫ്‌ളാഷ് മോബ്, റാലി, നഴ്‌സിംഗ് കോളേജ് കുട്ടികളുടെ പോസ്റ്റർ മത്സരവും മാതാപിതാക്കളുടെ അനുഭവം പങ്കുവയ്ക്കൽ, സമ്മാന വിതരണം എന്നിവയും ഉണ്ടായിരുന്നു.