റാന്നി: പുതുതായി നിർമ്മിക്കുന്ന ചേത്തയ്ക്കൽ വില്ലേജ് ഓഫീസ് കെട്ടിടത്തിന്റെ തറക്കല്ലിടീൽ അഡ്വ. പ്രമോദ് നാരായൺ എം.എൽ.എ നിർവഹിച്ചു.34.70 ലക്ഷം രൂപ മുടക്കിയാണ് പുതിയ കെട്ടിടം നിർമ്മിക്കുക വില്ലേജ് ഓഫീസർക്ക് പ്രത്യേകമുറി, യോഗം ചേരാനുള്ള മുറി, പൊതുജനങ്ങൾക്കുള്ള ടോയ്ലറ്റുകൾ, റിക്കോർഡ് റൂം, വരാന്ത, ജീവനക്കാർക്കുള്ള ടോയ്ലറ്റ് എന്നിവയെല്ലാം ഇതിൽ ഉൾപ്പെടുത്തിയിട്ടുണ്ട്. സംസ്ഥാന നിർമ്മിതി കേന്ദ്രത്തിലാണ് നിർമ്മാണ ചുമതല.പഴയ കെട്ടിടം പൊളിച്ചുമാറ്റാൻ ഉണ്ടായ കാലതാമസമാണ് നിർമ്മാണം വൈകാനിടയാക്കിയത്. പഞ്ചായത്ത് പ്രസിഡന്റ് അനിത അനിൽകുമാർ അദ്ധ്യക്ഷയായി. ജില്ലാ പഞ്ചായത്തംഗം ജെസി അലക്സ്, ബ്ലോക്ക് പഞ്ചായത്ത് അംഗം എം.എസ് സുജ, തഹസിൽദാർ സുരേഷ് കുമാർ, ഡെപ്യൂട്ടി തപസീദാര് സന്തോഷ് എന്നിവർ സംസാരിച്ചു.