മല്ലപ്പള്ളി : എസ്.എൻ.ഡി.പി യോഗം കുളത്തൂർ 51നമ്പർ 1-ാംമത് ശ്രീനാരായണ കൺവെൻഷന് തുടക്കമായി. രഞ്ചു അനന്തഭദ്രത്ത് തന്ത്രികളുടെ മുഖ്യ കാർമ്മികത്വം വഹിച്ചു. രാവിലെ 6.30ന് അഷ്ടദ്രവ്യ മഹാഗണപതി ഹോമം 8ന് ഗുരുപൂജ, ഗുരു പുഷ്പാഞ്ജലി, ഗുരുദേവ കൃതികളുടെ പാരായണംഎന്നിവ നടന്നു. രാവിലെ 10ന് നടന്ന കൺവെൻഷൻ ശിവഗിരി മഠം സ്വാമി അദ്വൈതാനന്ദ തീർത്ഥ സ്വാമികൾ ഉദ്ഘാടനം ചെയ്തു. എരുമേലി യൂണിയൻ കൺവീനർ എം.വി അജിത്ത്കുമാർ അദ്ധ്യക്ഷത വഹിച്ചു. യൂണിയൻ വൈസ്.ചെയർമാൻ കെ.ബി ഷാജി സംഘടനാസന്ദേശം നൽകി. യൂണിയൻ ജോ.കൺവീനറുമാരായ ജി.വിനോദ്, സന്തോഷ് കുമാർ ,എക്സിക്യൂട്ടീവ് അംഗങ്ങളായ പി.ആർ.വിശ്വനാഥൻ, കെ.എ.രവികുമാർ,ഷിൻ ശ്യാമളൻ, സുജാതാ ഷാജി, ശാഖാ ഭാരവാഹികളായ രമാ ബാലചന്ദ്രൻ ,കെ.ആർ സൗമിനി, സന്തോഷ് ടി.ആർ,സുജാ സുരേന്ദ്രൻ,പി.പി.ബാലചന്ദ്രൻ എന്നിവർ പ്രസംഗിച്ചു. 1ന് അന്നദാനവും 6ന് ദീപാരാധന, വിശേഷാൽ പൂജ,ദീപക്കാഴ്ചഎന്നിവ നടന്നു. 6.30 ന് ശിവഗിരി മഹാസമാധി മന്ദിര സ്മൃതി എന്ന വിഷത്തെ ആസ്പതമാക്കി രാജീവ് കൂരോപ്പാട പ്രഭാഷണം നടത്തി. ഇ.ജി.രാധാകൃഷൻ, ഈ .ആർ .രമണി എന്നിവർ പ്രസംഗിച്ചു.