പത്തനംതിട്ട : ജില്ലയിൽ വനംവന്യജീവി വകുപ്പിൽ ബീറ്റ് ഫോറസ്റ്റ് ഓഫീസർ (സ്‌പെഷ്യൽ റിക്രൂട്ട്‌മെന്റ് പട്ടികവർഗം ആദിവാസി) (കാറ്റഗറി നമ്പർ. 92/2022 ആന്റ് 93/2022) തസ്തികകളുടെ 21 ന് നിലവിൽ വന്ന ചുരുക്കപ്പട്ടികയിൽ ഉൾപ്പെട്ട ഉദ്യോഗാർത്ഥികൾക്കായി 30 ന് രാവിലെ 5.30 ന് അടൂർ വടക്കടത്തുകാവ് കെ.എ.പി മൂന്ന് ബറ്റാലിയൻ പരേഡ് ഗ്രൗണ്ടിൽ ശാരീരിക അളവെടുപ്പും കായികക്ഷമതാ പരീക്ഷയും നടത്തും. ചുരുക്കപ്പട്ടികയിൽ ഉൾപ്പെട്ട എല്ലാ ഉദ്യോഗാർത്ഥികൾക്കും പ്രൊഫൈൽ, മെസേജ്, എസ്എംഎസ് മുഖേന അറിയിപ്പ് നൽകിയിട്ടുണ്ട്. വിശദവിവരങ്ങൾക്ക് പ്രൊഫൈൽ പരിശോധിക്കുക. ഫോൺ : 0468 2222665.