ചെങ്ങന്നൂർ: എസ്.എൻ.ഡി.പി യോഗം ചെങ്ങന്നൂർ യൂണിയനിലെ 1266ാം നമ്പർ ചെറിയനാട് ശാഖയുടെ അഭിമുഖ്യത്തിലുള്ള ഒന്നാമത് ശ്രീനാരായണ കൺവെൻഷൻ ഡിസംബർ 2ന് ആരംഭിക്കും. ഇടമുറി ശ്രീനാരായണ കൺവെൻഷൻ നഗറിൽ രാവിലെ 9.30ന് ആരംഭിക്കുന്ന സമ്മേളനം കൊടിക്കുന്നിൽ സുരേഷ് എം.പി.ഉദ്ഘാടനം ചെയ്യും. യൂണിയൻ ചെയർമാൻ അനിൽ അമ്പാടി അദ്ധ്യക്ഷത വഹിക്കും. കൺവെൻഷൻ ഗ്രാന്റ് വിതരണവും മുഖ്യ പ്രഭാഷണവും ചെങ്ങന്നൂർ യൂണിയൻ കൺവീനർ അനിൽ പി.ശ്രീരംഗം നിർവഹിക്കും. ആലപ്പുഴ ഡെപ്യൂട്ടി എക്‌സൈസ് കമ്മിഷണർ എൻ.ആശോക് കുമാർ ലഹരിവിരുദ്ധ അവബോധന ക്ലാസെടുക്കും. ഗ്രാമ പഞ്ചായത്ത് പ്രസിഡന്റ് പ്രസന്ന രമേശൻ, ജില്ലാ പഞ്ചായത്തംഗം ഹേമലത, യൂണിയൻ വൈസ് ചെയർമാൻ രാഖേഷ് കോഴഞ്ചേരി, യൂണിയൻ അഡ്മിനിസ്‌ട്രേറ്റീവ് കമ്മിറ്റിയംഗങ്ങളായ കെ.ആർ.മോഹനൻ, ജയപ്രകാശ് തൊട്ടാവാടി, എസ്.ദേവരാജൻ, എം.പി.സുരേഷ് , അനിൽ കണ്ണാടി, ബ്ലോക്ക് പഞ്ചായത്ത് മെമ്പർ സലീം, ഗ്രാമപഞ്ചായത്തംഗം മനോജ് മോഹൻ, എക്‌സൈസ് സർക്കിൾ ഇൻസ്‌പെക്ടർ ജിജി ഐപ്പ് അലക്സ്, യൂണിയൻ കമ്മിറ്റിയംഗം പി.ജി.ശ്രീധരൻ എന്നിവർ പ്രസംഗിക്കും. ശാഖാ പ്രസിഡന്റ് രാജേഷ് സദാനന്ദൻ സ്വാഗതവും ശാഖാ വൈസ് പ്രസിഡന്റ് കുട്ടപ്പൻ.ഇ.കെ. നന്ദിയും പറയും. ശാഖാ സെക്രട്ടറി ദിലീപ്.സി.ഡി. രാവിലെ 8ന് കൺവൻഷൻ നഗറിൽ പതാക ഉയർത്തും.മഹാഗുരു എന്തെല്ലാം എന്ന വിഷയത്തിൽ വൈകിട്ട് 6.45 ന് ഡോ.എം.എം.ബഷീർ പ്രഭാഷണം നടത്തും.ശനിയാഴ്ച വൈകിട്ട് 6.30ന് ശ്രീനാരായണ ധർമ്മവും കുടുംബഭദ്രതയും എന്ന വിഷയത്തിൽ സുരേഷ് പരമേശ്വരനും ഞായറാഴ്ച വൈകിട്ട് 6.45 ന് ഗുരു ശാസ്ത്രാതീതൻ എന്ന വിഷയത്തിൽ വൈക്കം മുരളിയും പ്രഭാഷണം നടത്തും. എല്ലാ ദിവസവും വിശേഷാൽ പൂജകൾക്ക് പുറമേ അഷ്ഠദ്രവ്യ മഹാഗണപതി ഹോമം, മഹാമൃത്യുഞ്ജയ ഹോമം, വിശ്വശാന്തി ഹവനം എന്നിവ നടക്കും. എല്ലാ ദിവസവും അന്നദാനവും ലഘുഭക്ഷണ വിതരണവും കലാപരിപാടികളും ഉണ്ടായിരിക്കുമെന്ന് ശാഖാ പ്രസിഡന്റ് രാജേഷ് സദാനന്ദൻ, വൈസ് പ്രസിഡന്റ് കുട്ടപ്പൻ.ഇ.കെ. ശാഖാ സെക്രട്ടറി ദിലീപ്.സി.ഡി. എന്നിവർ അറിയിച്ചു.