പുനലൂർ: ആര്യങ്കാവ് പഞ്ചായത്തിലെ കഴുതുരുട്ടി ആറ്റുതീരത്ത് തമിഴ്നാട് സ്വദേശിയായ യുവാവിന്റെ അഴുകിയ മൃതദേഹം കണ്ടെത്തി. ചെങ്കോട്ട, കാലൻകരൈ എ.കെ. അപ്പാർട്ട്മെന്റിൽ അൻപഴകന്റെ (39) മൃതദേഹമാണ് കണ്ടെത്തിയത്.

ദേഹ പരിശോധനയിൽ ലഭിച്ച ഇലക്ഷൻ കാർഡിൽ നിന്നാണ് മൃതദേഹം തിരിച്ചറിഞ്ഞതെന്ന് പൊലീസ് പറഞ്ഞു. തെന്മല പൊലീസ് സ്ഥലത്തെത്തി മേൽ നാടപടി സ്വീകരിച്ചശേഷം മൃതദേഹം പാരിപ്പള്ളി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. തമിഴ്നാട് പൊലീസുമായി തെന്മല പൊലീസ് ബന്ധപ്പെട്ടിട്ടുണ്ട്.