കൊട്ടാരക്കര: എസ്.എൻ.ഡി.പി യോഗം നീലേശ്വരം 631ാം നമ്പർ ശാഖയുടെ ഗുരുക്ഷേത്രത്തിലെ പ്രതിഷ്ഠാവാർഷികാഘോഷം യൂണിയൻ പ്രസിഡന്റ് സതീഷ് സത്യപാലൻ ഉദ്ഘാടനം ചെയ്തു. ശാഖ പ്രസിഡന്റ് ആർ.ശിവദാസന്റെ അദ്ധ്യക്ഷതയിൽ ചേർന്ന യോഗത്തിൽ യൂണിയൻ സെക്രട്ടറി അഡ്വ.പി.അരുൾ,​ ശാഖ സെക്രട്ടറി വി.അനിൽകുമാർ,​ വനിതാസംഘം ശാഖ പ്രസിഡന്റ് സി.ജഗദമ്മ എന്നിവർ സംസാരിച്ചു. വിശേഷാൽ പൂജകളും അന്നദാനവും ദീപാരാധനയും നടന്നു.