അഞ്ചൽ: സി.കേശവൻ സ്മാരക സമിതിയുടെ ഒരു വർഷം നീണ്ടുനിൽക്കുന്ന സിൽവർ ജൂബിലി ആഘോഷങ്ങളുടെ ഉദ്ഘാടനവും സമിതി മുഖ്യ ഭാരവാഹിയും ശബരിഗിരി ഗ്രൂപ്പ് ചെയർമാനുമായ ഡോ.വി.കെ. ജയകുമാറിനെ ആദരിക്കലും നാളെ നടക്കും. ഇതോടനുബന്ധിച്ച് വൈകിട്ട് 4ന് ശബരിഗിരി സ്കൂൾ ഓഡിറ്റോറിയത്തിൽ നടക്കുന്ന ചടങ്ങിൽ സി.കേശവൻ സ്മാരകസമിതി രക്ഷാധികാരിയും മുൻ മന്ത്രിയുമായ അഡ്വ.കെ.രാജു അദ്ധ്യക്ഷനാകും. സമ്മേളനം ഉദ്ഘാടനവും ഡോ.വി.കെ. ജയകുമാറിന് ഉപഹാര സമർപ്പണവും എൻ.കെ.പ്രേമചന്ദ്രൻ എം.പി നിർവഹിക്കും. ഡോ.കെ.വി.തോമസ് കുട്ടി ആമുഖ പ്രസംഗം നടത്തും. മുഖ്യ പ്രഭാഷണവും പൊന്നാട അണിയിക്കലും ഗാന്ധിഭവൻ ഡയറക്ടർ ഡോ.പുനലൂർ സോമരാജൻ നിർവഹിക്കും. അഞ്ചൽ സെന്റ് ജോൺസ് സ്കൂൾ ലോക്കൽ മാനേജർ ഫാ.ബോവസ് മാത്യു, അനുഗ്രഹ പ്രഭാഷണവും ഏരൂർ ഗ്രാമപഞ്ചായത്ത് പ്രസിഡന്റ് ടി.അജയൻ മുഖ്യ പ്രസംഗവും നടത്തും. ലയൺസ് മുൻ ഡിസ്ട്രിക്ട് ഗവർണർ അഡ്വ.ജി.സുരേന്ദ്രൻ, കേരളായൂണിവേഴ്സിറ്റി സിൻഡിക്കേറ്റ് മെമ്പർ രഞ്ജു സുരേഷ്, എസ്.എൻ.ട്രസ്റ്റ് ബോർഡ് മെമ്പറും രചന ഗ്രാനൈറ്റ്സ് എം.ഡിയുമായ കെ.യശോധരൻ, സി.പി.ഐ സംസ്ഥാന കൗൺസിൽ അംഗം അഡ്വ.ആർ.സജിലാൽ, കൊട്ടാരക്കര താലൂക്ക് ലൈബ്രറി കൗൺസിൽ അംഗം ജെ.സി.അനിൽ, എസ്.എൻ.ഡി.പി യോഗം പുനലൂ‌ർ യൂണിയൻ വൈസ് പ്രസിഡന്റ് എ.ജെ. പ്രതീപ്, പ്ലാനിംഗ് ബോർഡ് റിട്ട.അഡീ. ഡയറക്ടർ കെ.നടരാജൻ, അഞ്ചൽ ബ്ലോക്ക് പഞ്ചായത്ത് മെമ്പർ എ.സക്കീർ ഹുസൈൻ, അഞ്ചൽ സെന്റ് ജോർജ്ജ് സെൻട്രൽ സ്കൂൾ പ്രിൻസിപ്പൽ ലീനാ അലക്സ്, അശോകൻ കുരുവിക്കോണം, രാജേന്ദ്രൻ സ്വാമി അഞ്ചൽ, ആർച്ചൽ സോമൻ, അൽ അമാൻ ഗ്രൂപ്പ് എം.ഡി ഫസിലുദ്ദീൻ, ആയൂർ ഗോപിനാഥ്, പി.അരവിന്ദൻ, എൻ.കെ. ബാലചന്ദ്രൻ, ബി.മുരളി എന്നിവർ ആശംസാ പ്രസംഗം നടത്തും. സമിതി പ്രസിഡന്റ് അനീഷ് കെ.അയിലറ സ്വാഗതവും അഞ്ചൽ ഗോപൻ നന്ദിയും പറയും.