കൊല്ലം: ഇ.എസ്.ഐ സബ് റീജിയണൽ ഓഫീസ് പരിധിയിലെ ഗുണഭോക്താക്കൾക്കായി പരാതി പരിഹാരമേള നടത്തും. 9ന് ഉച്ചയ്ക്ക് 2.30ന് ഇ.എസ്.ഐ കോർപ്പറേഷന്റെ, കൊല്ലം സബ് റീജിയണൽ ഓഫീസിലാണ് മേള. ട്രേഡ് യൂണിയൻ നേതാക്കൾ, ഇ.എസ്.ഐ ആശുപത്രിയിലെ മെഡിക്കൽ സുപ്രണ്ട്, ഇ.എസ്.ഐ കോർപ്പറേഷൻ ഡെപ്യൂട്ടി ഡയറക്ടർമാർ, ദക്ഷിണ മേഖല ഡെപ്യൂട്ടി ഡയറക്ടർ എന്നിവർ പങ്കെടുക്കും. എല്ലാ മാസത്തെയും രണ്ടാമത്തെ ബുധനാഴ്ചകളിൽ സബ് റീജിയണൽ ഓഫീസുകളിലും രണ്ടാമത്തെ വെള്ളിയാഴ്ചകളിൽ അതാത് ബ്രാഞ്ച് ഓഫീസുകളിലും മേള ഉണ്ടായിരിക്കും.