കരുനാഗപ്പള്ളി: ശിവഗിരി മഠം ശ്രീനാരായണ ഗുരുധർമ്മ പ്രചാരണ സഭ കരുനാഗപ്പള്ളി മണ്ഡലം കമ്മിറ്റിയുടെ ആഭിമുഖ്യത്തിൽ ആർ.ശങ്കറിന്റെ 50-ം ചരമ വാർഷിക ദിനാചരണം സംഘടിപ്പിച്ചു. പ്രചാരണ സഭ കേന്ദ്ര കമ്മിറ്റി അംഗം ടി.കെ.സുധാകരന്റെ അദ്ധ്യക്ഷതയിൽ തറയിൽ ജംഗ്ഷനിലെ പ്രാർത്ഥനാ ഹാളിൽ കൂടിയ അനുസ്മരണ സമ്മേളനം സി.ആർ.മഹേഷ് എം.എൽ.എ ഉദ്ഘാടനം ചെയ്തു. മാതൃ സമിതി പ്രസിഡന്റ് ലേഖാ ബാബുചന്ദ്രൻ, സെക്രട്ടറി സുഭദ്രാ ഗോപാലകൃഷ്ണൻ എന്നിവർ മുഖ്യ പ്രഭാഷണം നടത്തി. .വി.ചന്ദ്രാക്ഷൻ, രാജൻ ആലുംകടവ്, സജീവ് സൗപർണ്ണിക , കെ.ജി.ആസാദ്, കെ.സുധാകരൻ, വിജയൻ, ശാന്താ ചക്രപാണി, സുധ എന്നിവർ പ്രഭാഷണം നടത്തി.സെക്രട്ടറി ആർ.ഹരീഷ് സ്വാഗതവും വൈസ് പ്രസിഡന്റ് തയ്യിൽ തുളസി നന്ദിയും പറഞ്ഞു.