കരുനാഗപ്പള്ളി: ലോകകപ്പ് - 2022ന്റെ സന്ദേശം എല്ലാ ജനങ്ങളിലും എത്തിക്കുക , തത്പ്പരരായ കുട്ടികൾക്ക് ഫുട്ബാളിൽ ഹ്രസ്വകാലപരിശീലനം നൽകുക, മികവ് പുലർത്തുന്നവർക്ക് വിദഗ്ദ്ധ പരിശീലനം ലഭ്യമാക്കുക എന്നീ ലക്ഷ്യത്തോടെ സംസ്ഥാന സർക്കാർ കായിക യുവജന കാര്യാലയം വഴി നടപ്പിലാക്കുന്ന പരിശീലന പദ്ധതിയായ വൺ മില്യൺ ഗോൾ കാമ്പയിന് ഇന്ന് വൈകിട്ട് 4ന് പന്മന മനയിൽ ഹയർ സെക്കൻഡറി സ്കൂളിൽ തുടക്കമാകും. പന്മന ഗ്രാമ പഞ്ചായത്തിന്റെയും പന്മന മനയിൽ ഫുട്ബാൾ അസോസിയേഷന്റെയും നേതൃത്വത്തിലാണ് പരിശീലന പരിപാടി. പത്ത് ദിവസം നീണ്ടു നിൽക്കുന്ന പ 20ന് സമാപിക്കും.10 നും 12 വയസിനും ഇടയിൽ പ്രായമുള്ള100 കുട്ടികൾക്കാണ് പ്രവേശനം. ഉദ്ഘാടനം പന്മന ഗ്രാമ പഞ്ചായത്ത് പ്രസിഡന്റ് എം.ഷെമി ഉദ്ഘാടനം ചെയ്യും. വൈസ് - പ്രസിഡന്റ് മാമൂലയിൽ സേതുക്കുട്ടൻ അദ്ധ്യക്ഷനാകും. കുടുതൽ വിവരങ്ങൾക്ക്: 892124 2746.