കൊല്ലം: ഉപജില്ലാ സ്കൂൾ കലോത്സവത്തിന്റെ ലോഗോ പ്രകാശനം ഗവ. ബോയ്സ് ഹയർ സെക്കൻഡറി സ്കൂളിൽ നടന്നു. ഉപജില്ലാ വിദ്യാഭ്യാസ ഓഫീസർ ആന്റണി പീറ്റർ, ജനറൽ കൺവീനർ ഹെർമോയിൻ മാക്സ് വെല്ലിന് നൽകി പ്രകാശനം നിർവഹിച്ചു. 15 മുതൽ 18 വരെ നടക്കുന്ന ഉപജില്ലാ കലോത്സവത്തിന്റെ പന്തൽ നാട്ടുകർമ്മവും നടന്നു. വിവിധ കമ്മിറ്റി ഭാരവാഹികളായ ഒ.ജയകൃഷ്ണൻ, സി.എൽ.ഷിജു, ടി.അഭിലാഷ്, അനിൽ അഷ്ടമുടി, പി.ലിജു, ആർ.രാജേഷ്, എ.ബാബു, റസിയബീവി, കൗൺസിലർ ഷൈലജ എന്നിവർ പങ്കെടുത്തു.